• કેનેડા દિવસની ઉજવણી નિમિત્તે જસ્ટિન ટુડોએ ઓન્ટેરિયોમાં જનસંબોધન કર્યું

ઓટ્ટાવાઃ કેનેડિયનોએ રવિવારે દેશના જન્મદિવસની ઉજવણી કરી, ત્યારે વડાપ્રધાન જસ્ટિન ટુડોએ અમેરિકી સરકારના કેનેડિયન સ્ટીલ અને એલ્યુમિનિયમ પર જકાત દર લાગુ કરવાના નિર્ણય સામે તેમણે જે વલણ અપનાવ્યું છે તેના પર પ્રકાશ પાડયો હતો. રવિવારે સવારે,લીમિંગ્ટન, ઓન્ટેરીયોમાં ટુડોએ હંમેશાં એકબીજા માટે અને કેનેડિયન મૂલ્યો માટે ઊભા રહેવા માટે નિવાસીઓ અને કેનેડિયનોનો આભાર માન્યો હતો. ટુડોએ જણાવ્યું હતું કે, આ આપણે છીએ જે હંમેશા તકલીફોમાં અને મોકાના સમયે એકબીજા માટે ઉભા હોઈએ છીએ. આપણે એકબીજાનો સહારો બની અને મજબૂતાઈથી ઊભા છીએ અને આમ જ આપણે દરેક જગ્યાએ કરીએ છીએ.”

ઓન્ટેરિયો શહેર દેશભરના ત્રણ સ્થાનો પૈકીનું એક છે, જે કેનેડા દિવસ પર પ્રધાનમંત્રી માટે મુકરર કરવામાં આવ્યું હતું. ટુડો લેમિંગ્ટન ખાતે મુખ્ય કેનિંગ અને ફૂડ પ્રોસેસિંગ ઓપરેશનમાં કામ કરતા કામદારોને મળ્યા હતા, જ્યાં ફ્રેન્ચ કેચઅપમાં વપરાતા ટમેટા પેસ્ટનો ઉપયોગ કરવામાં આવે છે. પાછળથી દિવસમાં, તેમણે રેજીનામાં એક મુખ્ય સ્ટીલ રિફાઈનરીની મુલાકાત લીધી હતી. આ બંને ઉદ્યોગો વેપાર વિવાદના કેન્દ્રમાં છે. ટ્રમ્પ વહીવટીતંત્રે યુએસ સ્ટીલ અને કેનેડા અને અન્ય સાથીઓ પાસેથી એલ્યુમિનિયમની આયાત પર ફરજિયાત જકાત દરો ઠોકી દીધાના એક મહિના પછી ઉત્પાદનોની શ્રેણી પર ટુડોના પ્રતિ-ટેરિફદર રવિવારના રોજથી અમલમાં આવ્યાં હતા.