Home » Gujarat » સૌરાષ્ટ્રમાં હાર્દિક પટેલનાં સમર્થનમાં વિરોધ પ્રદર્શનો યથાવત

News timeline

Cricket
8 hours ago

એકલા પરેરાએ દ.આફ્રિકા પાસેથી જીતનો કોળિયો આંચકી લીધો

Gujarat
8 hours ago

ઊંઝા APMCમાંથી ભાજપના નારણ પટેલનું પત્તુ કાપી નખાયુ

Gujarat
9 hours ago

સુરતનું સ્વપ્ન ઇન્ટરનેશનલ ફ્લાઇટનું સાકાર: શારજાહ ફ્લાઇટ શરૂ

Gujarat
11 hours ago

આતંકવાદીઓને પાઠ ભણાવવાનો સમય આવી ગયો છે ઃ સુમિત્રા મહાજન

Gujarat
11 hours ago

જયંતિ ભાનુશાળી હત્યા કેસમાં બે શાર્પ શુટરો સાપુતારાથી પકડાયા

Bollywood
11 hours ago

અમિતાભ બચ્ચન દરેક શહીદ સૈનિકના પરિવારને ૫-૫ લાખ રૃપિયા દાન આપશે

Ahmedabad
12 hours ago

નવજોતસિંહ સિદ્ધુના આ વિવાદાસ્પદ નિવેદન બાદ લોકોમાં રોષ

Sports
13 hours ago

સાઇના નેહવાલ ફરી નેશનલ ચેમ્પિયન

Breaking News
14 hours ago

ગુજરાતની બનાસકાંઠા સરહદેથી પાક. ઘૂસણખોર પકડાયો

Entertainment
15 hours ago

પુલવામા શહીદના અંતિમ સંસ્કારમાં સિધ્ધુ હાજર ન રહેતા ફરી વિવાદ

Ahmedabad
15 hours ago

નરોડામાં અનૈતિક સંબંધોની શંકા રાખી પરિણીતાની હત્યા

India
16 hours ago

પુલવામા અટેક : સાત શકમંદને ઉઠાવાયા, વ્યાપક દરોડાનો દોર

સૌરાષ્ટ્રમાં હાર્દિક પટેલનાં સમર્થનમાં વિરોધ પ્રદર્શનો યથાવત

-વિસાવદરમાં ખાડાની અંદર ઉપવાસ આંદોલન કરતા એક યુવાનની તબિયત લથડીઃ

– મેવાસા, આલીધ્રા, આંબાળા ગીરમાં રામધૂન સામે પ્રતિક ઉપવાસ

રાજકોટ- સૌરાષ્ટ્રમાં આજે પણ હાર્દિક પટેલના સમર્થનમાં ઠેર-ઠેર વિરોધ પ્રદર્શનો યથાવત રહ્યા હતા. આજે જામજોધપુર અને ભેસાણ સજ્જડ બંધ રહ્યા હતા. જેમાં ‘પાસ’નાં નવ કાર્યકરોની અટકાયત કરાઈ હતી. બીજી તરફ વિસાવદરમાં ખાડાની અંદર ઉપવાસ આંદોલન કરતા એક યુવાનની તબીયત લથડી હતી. આજે મેવાસા, આલીધ્રા, આંબાળા ગીર ગામે રામધૂન સાથે પ્રતિક ઉપવાસ કરાયા હતા.

જામજોધપુરમાં પાટીદાર અનામત આંદોલન સમિતિનાં એલાનનાં પગલે આજે શહેર સજ્જડ બંધ રહ્યું હતું. મુખ્ય બજારમાં સવારથી જ દુકાનો ખુલી નહોતી. જ્યારે અંતરીયાળ વિસ્તારોમાં કેટલીક દુકાનો ખુલતા ‘પાસ’ના કાર્યકરોએ બંધ કરાવી હતી.

બીજી તરફ શાળા-કોલેજ પણ બળજબરીથી બંધ કરાવવા જતાં પોલીસે નવ કાર્યકરોની અટકાયત કરી હતી. આજના બંધના એલાનના પગલે શહેરમાં વહેલી સવારથી જ ચુસ્ત પોલીસ બંદોબસ્ત ગોઠવી દેવામાં આવ્યો હતો.

ભેસાણ ગામ આજે સવારથી જ સ્વયંભૂ સજ્જડ બંધ રહ્યું હતું અને હાર્દિક પટેલને સમર્થન આપવામાં આવ્યું હતું. તમામ નાની-મોટી દુકાનો બંધ રાખીને વેપારીઓએ ટેકો જાહેર કર્યો હતો. આ સાથે આજે તમામ શાળા-કોલેજ પણ બંધ રહી હતી.

વિસાવદરમાં જૂનાગઢ રોડ ઉપર જમીનમાં પાંચ ફૂટ ઊંડો ખાડો કરીને બે યુવાનો અરવિંદભાઈ સુવાગીયા અને લાલજીભાઈ કોટડીયાએ અંદર ઉતરી ચાર દિવસથી નવતર ઉપવાસ આંદોલન ચાલુ કર્યું છે. જેમાં આજે અરવિંદભાઈની તબીયત લથડતા મામલતદારને જાણ કરાઈ હતી. જેથી તબીબી ટીમ મોકલીને બન્ને યુવાનોનું મેડીકલ ચેકઅપ કરાયું હતું.

પરંતુ બન્નેએ સારવારની ના પાડી દઈને ચાર દિવસથી ઉપવાસ કરતા હોવા છતાં સરકારી તંત્રએ ધ્યાન નહીં દઈ ગંભીર લાપરવાહી દાખવ્યાનો આક્રોશ ઠાલવ્યો હતો. પરિણામે મામલતદાર અને તબીબે પણ જવાબદારીની ફેંકાફેંકી કરતા ઉહાપોહ મચી ગયો હતો.

લાલપુરમાં ગઈકાલે બંધના એલાન દરમિયાન યોજાયેલી રામધૂનમાં કરણી સેનાના આગેવાનો અને કાર્યકરો, કોંગી ધારાસભ્ય, સરપંચ વગેરેએ જોડાઈને ટેકો જાહેર કર્યો હતો.