Home » Breaking News » ગોલ્ડન ગર્લનુ વતનમાં સન્માનઃ સાપુતારાના એથ્લેટિક ટ્રેકને સરિતાનુ નામ અપાશે

News timeline

Bollywood
2 hours ago

પુલવામાના શહીદો માટે અક્ષય કુમાર પાંચ કરોડનું દાન કરશે

Entertainment
4 hours ago

કમલ હાસને પીઓકેને આઝાદ કાશ્મીર ગણાવ્યું, લોકમત લેવાની માગ કરી

Canada
4 hours ago

કેનેડાના પત્રકાર જો સ્લેસિન્જરનું ૯૦ વર્ષની વયે અવસાન

Cricket
6 hours ago

મહંમદ શમી પુલવામા હૂમલાના શહીદોની મદદ માટે આગળ આવ્યો

Bollywood
8 hours ago

નવાજુદ્દીન સાથે શ્રદ્ધા નહીં સોનાક્ષી ચમકશે

Gandhinagar
9 hours ago

ગુજરાત સરકાર ચાર મહિનામાં 63,939 કરોડ વાપરશે: નીતિન પટેલ

Cricket
10 hours ago

ક્રિસ ગેલે કરી નિવૃત્તિની જાહેરાત

Gandhinagar
10 hours ago

હુમલાની ભીતિ વચ્ચે ગુજરાતના યાત્રાધામોમાં ચુસ્ત પોલીસ બંદોબસ્ત

Bollywood
12 hours ago

ટ્રોલ બાદથી પ્રતિક બબ્બરે ઇન્ટીમેટ ફોટાઓ દુર કર્યા

Gandhinagar
12 hours ago

અમદાવાદીઓ મેટ્રો ટ્રેનમાં સફર કરી શકશે : 4થી માર્ચે વડાપ્રધાન મોદી કરશે ઉદ્ઘાટન

World
12 hours ago

ભારતની ચેતવણીથી પાક ફફડયું : ચર્ચા માટે તૈયાર

India
12 hours ago

ત્રાસવાદને સમર્થન આપનાર બધા કાશ્મીરી યુવાનો સામે લાલઆંખ

ગોલ્ડન ગર્લનુ વતનમાં સન્માનઃ સાપુતારાના એથ્લેટિક ટ્રેકને સરિતાનુ નામ અપાશે

વાંસદા- ઈન્ડોનેશિયાના જકાર્તામાં યોજાયેલી ૧૮ મી એશિયન ગેમ્સમાં ૪/૪૦૦ મીટર રિલે દોડમાં ઈન ફોર પ્લેયરમાં ગુજરાતના ડાંગ જિલ્લાની વનબંધુ દિકરી કુ. સરિતા ગાયકવાડે ભારતને સુવર્ણચંદ્ર અપાવીને ગુજરાત અને દેશનું નામ રોશન કર્યુ છે. જેના સન્માન માટે આજે ડાંગ આહવા ખાતે શોભાયાત્રા યોજાઈ હતી. જે આહવાના મુખ્યમાર્ગો પર ફરી હતી. આ પ્રસંગે ડાંગ જિલ્લાના પ્રજાજનોમાં અનેરો ઉત્સાહ જોવા મળ્યો હતો. શોભાયાત્રા બાદ ડાંગ દરબાર હોલ ખાતે સન્માન સમારોહ યોજવામાં આવ્યો હતો.

આ પ્રસંગે રમતગમત રાજ્યમંત્રી ઈશ્વરસિંહ પટેલે સરિતા ગાયકવાડને અભિનંદન પાઠવતાં કહ્યું કે, પ્રધાનમંત્રી મોદીએ ગુજરાતમાં શરૃ કરાવેલા ખેલમહાકુંભને પરિણામે આવા હોનહાર ખેલાડીઓને વૈશ્વિક રમતોમાં ગુજરાત અને ભારતની શ્રેષ્ઠતા ઝળકાવવાની તક સાંપડી છે. રાજ્ય સરકાર દર વર્ષે ખેલમહાકુંભમાં રૃ. ૪૫ કરોડના ઈનામો આપીને ખેલાડીઓને પ્રોત્સાહીત કરવાનું કાર્ય કરી રહી છે.

સાપુતારા ખાતે તૈયાર થનાર એથ્લેટિક્સ સિન્થેટીક ટ્રેકને કુ. સરિતા ગાયકવાડ નામ આપવાની જાહેરાત તેમણે કરી હતી. વધુમાં કહ્યું કે, સાપુતારા રમત સંકુલ ખાતે રૃ. ૭ કરોડના ખર્ચે એથ્લેટિક્સ સિન્થેટિક ટ્રેક, રૃ. ૫ કરોડના ખર્ચે હોકી ગ્રાઉન્ડ, અઢી કરોડના ખર્ચે ઈન્ડોર હોલ સહિતની રૃ. ૧૫ કરોડથી વધુ રકમના ખર્ચે રમતગમતની સુવિધાઓ તૈયાર કરાશે. આ પ્રસંગે પ્રભારી મંત્રી રમણલાલ પાટકરે પણ પ્રસંગોચિત સંબોધિત કર્યુ હતું.

આ પ્રસંગે કુ. સરિતા ગાયકવાડે કહ્યું કે, મૂળ ‘ખો-ખો’ ના પ્લેયર તરીકે કારકિર્ડી શરૃ કરી હતી અને ખેલ મહાકુંભમાં દોડની વ્યક્તિગત રીતે ભાગ લઈ નસીબ અજમાવ્યું હતું. માત્ર ત્રણ વર્ષના ગાળામાં જ એક પછી એક ટુર્નામેન્ટ જીતતી ગઈ. તેણીએ આ તમામ સફળતાનો યશ રાજ્ય સરકારના ખેલ મહાકુંભને આપ્યો છે. તેણીએ આ તકે તમામનો હૃદયપૂર્વક આભાર માન્યો હતો. આ પ્રસંગે ઉપસ્થિત મહાનુભાવો, સામાજીક-સ્વૈચ્છીક સંસ્થાઓ, જિલ્લાનું વહીવટીતંત્ર દ્વારા રૃ. ૯ લાખ જેવી માતબર રકમ કુ. સરિતા ગાયકવાડને આપીને સન્માનિત કરવામાં આવી હતી.