Home » Gujarat » સુરતઃ ગણપતિની એક પણ મૂર્તિનું તાપીમાં વિસર્જન નહી

News timeline

Canada
1 day ago

જીએસએસએમ દ્વારા પુન્તા કાનાનો પ્રવાસ, અનેકવિધ કાર્યક્રમોએ રંગત જમાવી

Bollywood
2 days ago

લિસા રે લેખન ઉપર વધુ ધ્યાન આપે છે

Bollywood
2 days ago

ઇશા ગુપ્તા ખુબસુરતીને જાળવવા માટે તમામ પ્રયાસો કરે છે

Bollywood
2 days ago

અભિનેત્રીઓ વચ્ચેની સ્પર્ધાને લઈ પરેશાન નથી : ડાયના

Bollywood
2 days ago

રણબીર માટે આજે પણ પઝેસિવ છું : દીપિકા

Canada
2 days ago

નવલ બજાજના નિવાસ સ્થાને કૃષ્ણજન્મોત્સવની ધામધૂમથી ઉજવણી

Gandhinagar
2 days ago

સત્ર બાદ બે દિવસમાં ખેડૂતો માટે મોટી જાહેરાત કરીશું: નીતિન પટેલ

Ahmedabad
2 days ago

મોટીપાનેલીના સરપંચ સહિત ૧૦૦ આગેવાનોના ભાજપમાંથી રાજીનામા

Ahmedabad
2 days ago

અંબાજીમાં મહામેળો ઃ માર્ગો જય અંબે’ના નાદથી ગૂંજી ઉઠયા

Delhi
2 days ago

ત્રણ તલાક બિલના અધ્યાદેશને મોદી કેબિનેટે આપી મંજૂરી

Ahmedabad
2 days ago

કેનેડાની લાલચ આપી છેતરપિંડી કરનારા 2 સામે ગુનો નોંધાયો

Canada
2 days ago

મિસિસાગામાં મેમણ સમાજનું ઈદ મિલન : ૩૦૦થી વધુ લોકોએ ભાગ લીધો

સુરતઃ ગણપતિની એક પણ મૂર્તિનું તાપીમાં વિસર્જન નહી

સુરત- શ્રીજીની પી.ઓ.પી.ની મૂર્તિને પગલે દર વર્ષે તાપી નદીમાં હજારો ટન પી.ઓ.પી. પધરાવતું હોવાથી તેનાથી પર્યાવરણને થતું નુકશાન અટકાવવા નેશનલ ગ્રીન ટ્રીબ્યુનલના આદેશ મુજબ આ વર્ષે તાપી નદીમાં એકેય ગણેશ પ્રતિમાનું વિસર્જન કરવા દેવાશે નહીં.

ગણેશોત્સવમાં શ્રીજીની માટીની મૂર્તિ બનાવવાની વ્યાપક ઝુંબેશ છતાં મોટાભાગે પી.ઓ.પી.ની મૂર્તિની જ સ્થાપના કરવામાં આવે છે.

દર વર્ષે તાપી નદીમાં ગણપતિની મૂર્તિઓના વિસર્જનને પગલે હજારો ટન પી.ઓ.પી. પધરાવાય છે. તેનાથી પર્યાવરણને મોટાપાયે નુકશાન થયા છે. આ અંગે નેશનલ ગ્રીન ટ્રીબ્યુનલે તેમજ જીપીસીબીએ લાલ આંખ કરી હતી. તેને પગલે જ પોલીસ અને મહાનગરપાલિકા આ વર્ષે તાપી નદીમાં એકેય ગણેશ પ્રતિમાનું વિસર્જન કરવા નહીં દેવાય તેવો નિર્ણય કર્યો છે.

આ અંગે યોજાયેલી પત્રકાર પરિષદમાં સુરતના પોલીસ કમિશ્નર સતીષકુમાર શર્મા અને મહાનગરપાલિકાના કમિશ્નર એમ. થેન્નારાસને જણાવ્યું હતું કે તાપી નદીમાં પ્રદૂષણ અટકાવવા માટે નેશનલ ગ્રીન ટ્રીબ્યુનલની માર્ગદર્શિકા મુજબ સુરતના વિવિધ ઓવારાઓ ઉપરથી આ વર્ષે તાપી નદીમાં માટીની અથવા તો પીઓપીની એક મૂર્તિનું વિસર્જન કરવા દેવાશે નહીં. મહાનગરપાલિકાએ ગત વર્ષે ૧૧ કૃત્રિમ તળાવો બનાવ્યા અને તેમાં ૫૫,૦૦૦ જેટલી શ્રીજી પ્રતિમાનું વિસર્જન કરાયું હતું. તેની સામે આ વર્ષે ૧૭ કૃત્રિમ તળાવો બનાવી તેમાં શ્રીજી પ્રતિમાનું વિસર્જન કરાશે.

પાંચ ફૂટ સુધીની ઉંચાઈની પીઓપી અને માટીની મૂર્તિઓનું વિસર્જન કૃત્રિમ તળાવોમાં કરાશે જ્યારે પાચ ફૂટથી વધુ ઉંચાઈની તમામ મૂર્તિનું વિસર્જન દરિયામાં કરાશે. મહાનગરપાલિકા અને સુરત પોલીસ તે માટે તમામ પ્રકારના આયોજન કરશે. એટલું જ નહીં કૃત્રિમ તળાવો વિવિધ ઓવારા ઉપર જ બનાવી શકાય કે કેમ ? તે અંગે પણ સર્વે થઈ રહ્યો છે. પોલીસ કમિશ્નરે આ વખતે નેશનલ ગ્રીન ટ્રીબ્યુનલના આદેશનું પાલન કોઈપણ સંજોગોમાં કરવામાં આવશે તેવું પણ ઉમેર્યુ હતું.