Home » Gujarat » Bhuj » ચેઈન પુલિંગ સુધી એટેન્ડન્ટ કે ટીસીને હત્યા થઈ હોવાની જાણ ન હતી

News timeline

Cricket
8 hours ago

એકલા પરેરાએ દ.આફ્રિકા પાસેથી જીતનો કોળિયો આંચકી લીધો

Gujarat
8 hours ago

ઊંઝા APMCમાંથી ભાજપના નારણ પટેલનું પત્તુ કાપી નખાયુ

Gujarat
9 hours ago

સુરતનું સ્વપ્ન ઇન્ટરનેશનલ ફ્લાઇટનું સાકાર: શારજાહ ફ્લાઇટ શરૂ

Gujarat
11 hours ago

આતંકવાદીઓને પાઠ ભણાવવાનો સમય આવી ગયો છે ઃ સુમિત્રા મહાજન

Gujarat
11 hours ago

જયંતિ ભાનુશાળી હત્યા કેસમાં બે શાર્પ શુટરો સાપુતારાથી પકડાયા

Bollywood
11 hours ago

અમિતાભ બચ્ચન દરેક શહીદ સૈનિકના પરિવારને ૫-૫ લાખ રૃપિયા દાન આપશે

Ahmedabad
12 hours ago

નવજોતસિંહ સિદ્ધુના આ વિવાદાસ્પદ નિવેદન બાદ લોકોમાં રોષ

Sports
13 hours ago

સાઇના નેહવાલ ફરી નેશનલ ચેમ્પિયન

Breaking News
14 hours ago

ગુજરાતની બનાસકાંઠા સરહદેથી પાક. ઘૂસણખોર પકડાયો

Entertainment
15 hours ago

પુલવામા શહીદના અંતિમ સંસ્કારમાં સિધ્ધુ હાજર ન રહેતા ફરી વિવાદ

Ahmedabad
16 hours ago

નરોડામાં અનૈતિક સંબંધોની શંકા રાખી પરિણીતાની હત્યા

India
16 hours ago

પુલવામા અટેક : સાત શકમંદને ઉઠાવાયા, વ્યાપક દરોડાનો દોર

ચેઈન પુલિંગ સુધી એટેન્ડન્ટ કે ટીસીને હત્યા થઈ હોવાની જાણ ન હતી

ભુજથી સયાજીનગરી એક્સપ્રેસ ટ્રેનમાં અમદાવાદ આવી રહેલા ભાનુશાળીની ગોળી મારીને મોતને ઘાટ ઉતારાયા ત્યાં સુધી કોચના એટેન્ડન્ટ અને ટીસીને તેની જાણ ન હતી. એટેન્ડન્ટ ગોળીબારનો અવાજ સાંભળીને દોડીને આવ્યો ત્યારે બન્ને હત્યારા ચેઈન પુલિંગ કરી રહ્યા હતા. એટેન્ડન્ટ સાથે તેમને રકઝક પણ થઈ હતી. જોકે ટ્રેન ધીમી પડતા હત્યારા ભાગી ગયા હતા. બીજીતરફ ભાનુશાળીના કંપાર્ટમેન્ટના સહપ્રવાસીએ આ બનાવને નજરે જોયો હતો. તેમણે કંપાર્ટમેન્ટમાંથી બહાર આવીને હત્યાની જાણકારી ટીસીને આપી હતી. પરંતુ આ દરમિયાન એટેન્ડન્ટ સાથે ઝપાઝપી કરીને હત્યારા ભાગી છુટયા હતા.

સયાજીનગરી એક્સપ્રેસ ટ્રેનમાં જયંતી ભાનુશાળી એચ-૧ કોચના જી કુપેમાં પ્રવાસ કરી રહ્યા હતા. તે સમયે ટીસી તથા એટેન્ડન્ટ બાજુના ઈ કુપેમાં બેઠા હતા. રાત્રે ૧૨.૫૫ વાગ્યે  બે પૈકી એક હત્યારાએ જોરજોરથી દરવાજો ખખડાવતા જયંતી ભાનુશાળીએ દરવાજો ખોલ્યો હતો. તેમની અને હત્યારાઓ વચ્ચે ગુજરાતી ભાષામાં રકઝક થઈ હતી. તે સમયે સહપ્રવાસી ઉંઘવાનો ડહોળ કરીને પડી રહ્યો હતો.

ત્યારબાદ હત્યારાએ તેની પાસેની પિસ્તોલ વડે એક ગોળી ભાનુશાળીની છાતીમાં ધરબી દેતા તે ઢળી પડયા હતા. બીજીતરફ ગોળીબારનો અવાજ સાંભળીને ટીસી અને એટેન્ડન્ટે શું થયું તે જાણવા બારી ખોલીને જોયું હતું. જોકે તેમને ગોળીબાર થયો હોવાની જાણ ન હતી. દરમિયાન હત્યારાએ વધુ એક ગોળી ભાનુશાળીના કપાળ પર છોડી હતી પરંતુ  આંખ પર વાગી હતી. ઘટનાસ્થળેથી પોલીસને ત્રણ જીવતા કારતુસ મળી આવ્યા હતા.

બીજો રાઉન્ડ ફાયર થતા એટેન્ડન્ટ ઈ કુપેમાંથી બહાર દોડી આવ્યો હતો. તે સમયે બે શખ્સો કંપાર્ટમેન્ટના પેસેજમાંથી ચેઈન પુલિંગ કરી રહ્યા હતા. જ્યાં તેને બન્ને સાથે ચેઈન પુલિંગ કરવા બાબતે રકઝક થઈ હતી. એટેન્ડન્ટે ફરીથી ચેઈન યથાવત કરી હતી. જોકે ટ્રેન ધીમી પડતા બન્ને શખ્સો નાસી છુટયા હતા.