Home » Gujarat » Ahmedabad » વડતાલ સ્વામીનારાયણ મંદિરના સાધુની હત્યામાં ત્રણ કિશોરો પકડાયા

News timeline

Bollywood
4 hours ago

પ્રિયંકા -નિકને લગ્નની તસવીરોના બદલામાં ૨૫ લાખ ડૉલર મળશે

Cricket
4 hours ago

કુલદીપ યાદવની આઈસીસી ટી-૨૦ રેન્કિંગમાં ૧૪ ક્રમની છલાંગ

Bollywood
4 hours ago

ગુરૃ ગ્રંથ સાહિબના અપમાન મામલે અક્ષયને એસઆઇટીનું તેડું

Headline News
7 hours ago

સિંધુની નજર હોંગકોંગ ઓપન ટાઇટલ પર કેન્દ્રિત

Bollywood
7 hours ago

રણવીરસિંહ લગ્નના સ્થળે વિમાનમાં જાન લઇને પ્રવેશ કરશે

Bollywood
7 hours ago

મહિલા રેસલરે રાખી સાવંતને એવી પટકી તે સીધી હોસ્પિટલમાં

Breaking News
9 hours ago

મેક્રો ડેટા તેમજ ક્રૂડના ભાવ બજારને દોરશે

Breaking News
9 hours ago

ટોપ-5 કંપનીઓના માર્કેટકેપમાં 26,157 કરોડનો ઉછાળો

Business
10 hours ago

રિલાયન્સ ઇન્ડસ્ટ્રીઝે બોન્ડ મારફતે 3,000 કરોડ એકત્ર કર્યા

Breaking News
10 hours ago

બેલેન્સ્ડ એડ્વાન્ટેજ ફંડ્સના ઇક્વિટી રોકાણમાં ધરખમ વધારો

Gandhinagar
10 hours ago

કોંગ્રેસમાં હોદ્દો મેળવવા કુશ્તી, દિલ્હી સુધી બખેડો

Breaking News
11 hours ago

ફિનિક્સ મિલ્સ 4-5 વર્ષમાં ઓપરેશનલ રિટેલ પોર્ટફોલિયો બમણો કરશે

વડતાલ સ્વામીનારાયણ મંદિરના સાધુની હત્યામાં ત્રણ કિશોરો પકડાયા

સાધુની વિડિયો ક્લિપિંગ બનાવી બ્લેકમેઇલિંગ કરી નાણાં પડાવવાનો પ્લાન સફળ ન થતા હત્યા કરી હોવાનું ખુલ્યું

નડિયાદ- સ્વામિનારાયણ સંપ્રદાયના તીર્થધામ  વડતાલમાં  ત્રણ દિવસ અગાઉ ધર્મતનયદાસ  સ્વામીની હત્યા થઈ હતી. આ કેસમાં સ્વામીના કોલ ડીટેલ્સ આધારે પોલીસે  ત્રણ સગીર વયના કિશોરોને ઝડપી લઈ પુછપરછ આદરી હતી.

વડતાલ તીર્થ ધામમાં સંત નિવાસમાં રહેતા ધર્મતનયદાસ સ્વામી (ઉં.વ.૫૦)ની ગત્ ૧૮મી નવેમ્બરે સાંજના સમયે લોહીથી લથપત હાલતમાં તેમના ઘરેથી મૃતદેહ મળી આવ્યો હતો. આ ઘટના અંગે સાધુ સંતોએ સ્થાનિક પોલીસને જાણ કરતા પોલીસનો કાફલો ઘટના સ્થળે દોડી આવ્યો હતો. ત્યાર બાદ પોલીસે વિવિધ દિશામાં તપાસ આદરી હતી. પોલીસે સ્વામીના મકાનની તપાસ કરતા તેઓના ઘરમાં રસોડાના એક ડ્રોવરમાંથી સરસામાન વેરવીખેર હાલતમાં જોવા મળ્યો હતો. આથી પ્રાથમિક તપાસમાં આ હત્યા લૂંટના ઈરાદે કરવામાં આવી હોવાનું બહાર આવ્યું હતું.

સ્થાનિક પોલીસ અને એલસીબીની ટીમે સ્વામીના મોબાઈલનો કબ્જો મેળવ્યો હતો. આ મોબાઈલમાં કોલ ડીટેલ્સ ચેક કરતા વડતાલ પાસેના એક પરા વિસ્તારમાં રહેતો અને ધો.૧૧માં ભણતો એક કિશોર તેમના ગાઢ પરીચયથી વાકેફ હોવાનું બહાર આવ્યું હતું. પોલીસે આ કિશોરના ઘરે જઈ તેની અટકાયત કરી પુછપરછ આદરતા તેણે પોતાના બે સાથી મિત્રો સાથે ધર્મતનયદાસ  સ્વામીને છરાના ઘા ઝીંકી હત્યા કરી હોવાનું કબુલ્યું હતું. આથી પોલીસે ત્રણેય કિશોરને ઝડપી લઈ આગળની કાર્યવાહી હાથધરી છે.આ ત્રણેય કિશોરોની ઉલટ સુલટ પુછપરછ કરતા ચોકાવનારી વિગતો સામે આવી છે. જેમાં  ગત્ ૧૭મી નવેમ્બરના રોજ સાંજના આશરે સાડા ચાર વાગ્યાના અરસામાં ત્રણેય કિશોરો ભેગા મળી ધર્મતનયદાસ સ્વામીના ઘરે પ્રસાદી લેવા ગયા હતા. ઘરમાં એકલા રહેતા સ્વામીને  કઢંગી હાલતમાં ફોટોગ્રાફ્સ અને વીડીયો ક્લીપીંગ ઉતારી તેઓને બ્લેકમેલીંગ કરી સ્વામી પાસેથી પૈસા પડાવવાનો હેતુ આ કિશોરોનો હતો. પરંતુ આ હેતુ પાર ન પડતા ત્રણેય કિશોરોએ ભેગા મળી સ્વામીને છરાના ઘા મારી હત્યા કરી હોવાનું બહાર આવ્યું છે.

ચકલાસી પોલીસે આ ત્રણેય કિશોરને કોર્ટમાં રજૂ કરી આગળની કાર્યવાહી હાથધરી છે. તો બીજી તરફ આ તમામ કેસની આગળની વધુ તપાસ ડાકોર સીપીઆઈને સોંપવામાં આવી છે. પોલીસે ત્રણ કિશોરો પાસેથી એક એક્ટીવા અને છરી કબ્જે લીધા છે.