Home » Gujarat » Ahmedabad » હિંદુઓની લાશ ઉપર સત્તા મેળવનારા નરેન્દ્રભાઇએ વિશ્વાસઘાત કર્યો છે: તોગડિયા

News timeline

Delhi
13 hours ago

મધ્ય પ્રદેશમાં કમલનાથ પર કળશ, રાજસ્થાન પર સસ્પેન્સ યથાવત્

Headline News
1 day ago

ફ્રાંસ: બંદૂકધારી હુમલાખોરે બજારમાં ભીડ ઉપર કર્યો ગોળીબાર, ત્રણ લોકોના મોત

Bollywood
2 days ago

ભણસાલી સાથે કોઇ ફિલ્મ નથી કરતી : અનુષ્કા

Cricket
2 days ago

પર્થમાં ઓસ્ટ્રેલિયા મજબૂત દેખાવ કરશે : રિકી પોન્ટિંગ

Gujarat
2 days ago

સુરતના વેપારીને મારવા રૂા.3 લાખમાં ઉત્તરપ્રદેશથી ભાડાના હત્યારા બોલાવ્યા

Gujarat
2 days ago

પૂર્વ સાંસદનો પત્ર, કોંગ્રેસના કાર્યકરો ભાજપમાં જોડાવવા તૈયાર

Cricket
2 days ago

ટેસ્ટ રેંકિંગમાં પુજારા ટોપ પાંચમાં : કોહલી ટોપ પર

Bollywood
2 days ago

કંગના અને રિતિકની ફિલ્મ એક દિવસે રજૂ નહીં થાય

Gandhinagar
2 days ago

લોકરક્ષક પેપર લિકનું કાવતરું આશ્રમ રોડની હોટલમાં રચાયું હતું

Breaking News
2 days ago

સુરત: વરઘોડામાં હવામાં ફાયરીંગ કરતા નીકળેલી ગોળી મહિલાને વાગતા મોત

Delhi
2 days ago

ભાજપની નકારાત્મક રાજનીતિની હાર થઈ છેઃ સોનિયા ગાંધી

Headline News
2 days ago

બ્રેક્ઝિટ સમજૂતિ પર સંસદમાં મતદાન માટે તૈયાર: થેરેસા મે

હિંદુઓની લાશ ઉપર સત્તા મેળવનારા નરેન્દ્રભાઇએ વિશ્વાસઘાત કર્યો છે: તોગડિયા

– VHPના પૂર્વ વરિષ્ઠ નેતા પ્રવીણ તોગડિયાના આમરણ અનશનનો અમદાવાદમાં પ્રારંભ

– મેં મારા માટે ચાની કિટલી-પકોડા તળવા કઢાઇ નથી માગી,

– અયોધ્યામાં રામમંદિર બને તેવી માત્ર મારી માગણી છે

અમદાવાદ- મેં ચાની કિટલી કે પકોડા તળવા માટે કઢાઇ નહોતી માગી, મેં વડાપ્રધાન પાસેથી કોઇ હોદ્દો પણ માગ્યો નહોતો. અયોધ્યામાં ભગવાન રામની જન્મભૂમિમાં જ રામમંદિર બને તેવી માત્ર મારી માગણી હતી. આ મુદ્દાને આધારે જ તેઓ વડાપ્રધાનની ખુરશી પર બેઠા હતા અને મારી માગણી ગેરવાજબી તો નહોતી જ. આમછતાં મારી આ માગણી બદલ મને વિશ્વ હિંદુ પરિષદમાંથી હાંકી કાઢવામાં આવ્યો છે તેવો આક્રોશ વિશ્વ હિંદુ પરિષદના પૂર્વ નેતા પ્રવીણ તોગડિયાએ ઠાલવ્યો છે.

અયોધ્યામાં રામ મંદિર સહિત વિવિધ માગણી સાથે પ્રવીણ તોગડિયાએ મંગળવારથી આમરણાંત અનશનનો પ્રારંભ કર્યો છે. જેમાં તેમની સાથે વિશ્વ હિંદુ પરિષદના અનેક કાર્યકરો અને ૩૦થી વધુ સાધુ-સંત પણ જોડાયા છે. પાલડીમાં વિશ્વ હિંદુ પરિષદ કાર્યાલયની બહાર જ અનશન શરૃ કરનારા પ્રવીણ તોગડિયાએ આજે જણાવ્યું હતું કે, ‘સોમનાથ જેવું જ ભવ્ય મંદિર અયોધ્યામાં ભગવાન રામનું બને તેવી મારી બાળપણથી જ ખ્વાહીશ રહી છે. આ સ્વપ્નને પૂરું કરવા માટે મેં મારી ડોક્ટર તરીકેની ધીકતી કમાણીના વ્યવસાયને પણ તિલાંજલિ આપી હતી. અયોધ્યામાં રામ મંદિર બને તેવું મારું જ નહીં કરોડો હિંદુઓનું સ્વપ્ન છે અને હું માત્ર તેમનો એક પ્રતિનિધિ છું. નરેન્દ્રભાઇને વડાપ્રધાનની ખુરશી નહોતી મળી ત્યારે તેઓ અમને ખાતરી આપતા કે સત્તા મળતા જ રામ મંદિર સહિત તમામ માગણી ચપટી વગાડતા પૂરી કરી દેશે. હું ચાર વર્ષથી મારા કાન સરવા કરીને બેઠો છું પણ હજુ સુધી નરેન્દ્રભાઇની ચપટીનો અવાજ સાંભળવા મળ્યો નથી. ભાજપ પાસે એકસમયે માત્ર બે બેઠક હતી અને ત્યારબાદ તેમણે હિંદુઓને રામમંદિરનું વચન આપી હવે કેન્દ્રમાં બહુમતી હાંસલ કરી છે.

ગોધરા કાંડ બાદ અનેક હિંદુ પોલીસ ગોળીનો શિકાર બન્યા હતા અને હજુ પણ ૫૦થી વધુ હિંદુ તેના માટે આજીવન કારાવાસની સજા ભોગવે છે. જે લોકો રમખાણમાં મૃત્યુ પામ્યા કે હાલ જેલની સજા ભોગવે છે તેમણે રામમંદિર માટે બલિદાન આપ્યું છે, તમને વડાપ્રધાન બનાવવા નહીં. હવે નરેન્દ્રભાઇ  અયોધ્યામાં રામમંદિરની બાજુમાં બાબરી મસ્જિદ બનાવવાની મંજૂરી આપી શકે છે. નરેન્દ્રભાઇએ કરોડો હિંદુઓ સાથે વિશ્વાસઘાત કર્યો છે.મારી સામે વિકલ્પ રાખવામાં આવ્યો કે રામજન્મભૂમિની માગણી બંધ કરો નહીં તો વીએચપીમાંથી રાજીનામું આપો. મેં બીજા વિકલ્પ પર પસંદગી ઉતારી એટલે જેનું માળખું પરસેવાથી સિંચ્યુ તે વીએચપીમાંથી મને દૂર કરાયો છે.  ‘