Home » India » Delhi » ઉત્તરાખંડના મુખ્ય પ્રધાન તરીકે આજે ત્રિવેન્દ્રસિંહની તાજપોશી

News timeline

Gujarat
2 hours ago

જામનગરમાં દલિતો દ્વારા ચક્કાજામ, પથ્થરમારો થતા લાઠીચાર્જ

Business
2 hours ago

GSKને 40% ટેક્સનો ભય: મર્જર દ્વારા સોદો કરવા તૈયાર

Headline News
2 hours ago

ફ્રેન્ચ ઓપનના ડ્રો જાહેર : નડાલ અને સિલીક વચ્ચે સેમિ ફાઈનલની શક્યતા

Business
2 hours ago

TCSનું માર્કેટકેપ 7 લાખ કરોડને પાર

Business
2 hours ago

કેન્સલેશન ચાર્જિસ, વળતરના પ્રસ્તાવનો એરલાઇન્સ વિરોધ કરશે

Business
2 hours ago

આરકોમ એરિક્સનની વાટાઘાટ મુશ્કેલીમાં

Gujarat
3 hours ago

બુલેટ ટ્રેન પ્રોજેકટ સામે કરજણના ૮ ગામોના ખેડૂતોનો વિરોધ

Gujarat
4 hours ago

તોરણીયામાં ૫૫૦ ગૌવંશના મોત અંગે ઈન્કવાયરી થશે

Bollywood
4 hours ago

ગ્લેમરસ અભિનેત્રી હોવાનું મને ગૌરવ છેઃ કરીના કપૂર ખાન

Breaking News
4 hours ago

ગોંડલમાં યુવાનોને નગ્ન કરી લોહીલુહાણ કરવામાં ભાજપ કાર્યકર સામેલ

Delhi
4 hours ago

દેશભરમાં મોંઘવારીની ‘માયાજાળ’ વચ્ચે આજે મોદી સરકારની ‘ચોથી વર્ષગાંઠ’

Bhuj
5 hours ago

મહંતસ્વામી ભુજમાં, વિશાળ સંતસ્મૃતિ મેડિકલ કેમ્પ યોજાશે

ઉત્તરાખંડના મુખ્ય પ્રધાન તરીકે આજે ત્રિવેન્દ્રસિંહની તાજપોશી

નવી દિલ્હી : ઉત્તરાખંડમાં પ્રચંડ બહુમતી મેળવી લીધા બાદ હવે ઉત્તરાખંડના નવા મુખ્યમંત્રી કોણ બનશે તેને લઈને ચાલી રહેલી ચર્ચાઓનો અંત આવી ગયો છે. આજે ઉત્તરાખંડમાં ભાજપ વિધાનસભા પક્ષની મહત્વપૂર્ણ બેઠક મળી હતી. જેમાં ત્રિવેન્દ્રસિંહ રાવતના નામ ઉપર મંજુરીની મોહર મારવામાં આવી હતી. વિધાનસભા પક્ષની બેઠકમાં ત્રિવેન્દ્રસિંહ રાવતને નેતા તરીકે ચૂંટી કાઢવામાં આવ્યા હતા. આજે દહેરાદુનમાં આ બેઠક મળી હતી. આ બેઠકમાં મુખ્યમંત્રી પદના ઉમેદવાર અંગે નિર્ણય લેવામાં આવ્યા બાદ આવતીકાલે શનિવારના દિવસે ત્રિવેન્દ્રસિંહ રાવત ઉત્તરાખંડના મુખ્યમંત્રી તરીકે શપથ લેશે. આની સાથે જ ઉત્તરાખંડમાં ભાજપની સરકાર બની જશે.

હાલમાં જ યોજાયેલી પાંચ રાજ્યોમાં વિધાનસભાની ચૂંટણીમાં ભાજપે જોરદાર સપાટો બોલાવ્યો છે. ભાજપે પાંચ પૈકીના ચાર રાજ્યોમાં સરકાર બનાવી લીધી છે. મણીપુર અને ગોવામાં ભાજપની સરકાર સત્તા સંભાળી ચુકી છે. જ્યારે ઉત્તરાખંડમાં આવતીકાલે ત્રિવેન્દ્રસિંહ મુખ્યમંત્રી તરીકે શપથ લેશે. જ્યારે ઉત્તરપ્રદેશમાં મુખ્યમંત્રી તરીકેની તાજપોશી રવિવારના દિવસે કરવામાં આવનાર છે. આવતીકાલે યોજાનાર શપથ કાર્યક્રમને લઈને તમામ તૈયારીઓ પણ કરવામાં આવી રહી છે. શપથવિધિ કાર્યક્રમમાં વડાપ્રધાન નરેન્દ્ર મોદી અને રાષ્ટ્રીય અધ્યક્ષ અમિત શાહ સહિત અનેક દિગ્ગજો પણ હાજર રહેનાર છે. હાલમાં જ યોજાયેલી ઉત્તરાખંડ વિધાનસભાની ચૂંટણીમાં ભાજપે જોરદાર સપાટો બોલાવ્યો હતો અને મોટાભાગની સીટો જીતી લીધી હતી. ભાજપે ૫૭ સીટો પર જીત હાંસલ કરી હતી. ૭૦ સભ્યોની વિધાનસભામાં કોંગ્રેસ પાર્ટીને માત્ર ૧૧ સીટો મળી હતી.

ત્રિવેન્દ્રસિંહ રાવત ઉત્તરાખંડના ૧૧માં મુખ્યમંત્રી બનશે. ૨૦મી ડિસેમ્બર ૧૯૯૬૦માં તેમનો જન્મ થયો હતો. નાની વયમાં જ સંઘ સાથે જોડાયા હતા. સંઘના પ્રચારક તરીકે ખૂબ જ સક્રિય રહ્યા છે. ૨૦૧૨ વિધાનસભાની ચૂંટણીમાં તેઓ રાયપુર વિધાનસભા બેઠકમાંથી ચૂંટણી મેદાનમાં ઉતર્યા હતા પરંતુ હારી ગયા હતા. ૨૦૧૪માં ડુઈવાલા સિટ પર થયેલી પેટાચૂંટણીમાં પણ તેમની હાર થઈ હતી. ત્યારબાદ તેમને આજ વર્ષે ઝારખંડના પ્રદેશ પ્રભારી બનાવવામાં આવ્યા હતા. આ વખતે ચૂંટણીમાં રાવતે ડુઈવાલા વિધાનસભા સીટથી હીરાસિંહને ૨૪,૮૬૯ મતે હાર આપી હતી. ત્રિવેન્દ્રસિંહે ફરી એકવાર વિશ્વસનિયતા સાબિત કરી દીધી છે.

ત્રિવેન્દ્રસિંહને ભાજપ પ્રમુખ અમિત શાહના ખૂબ નજીકના વ્યક્તિ તરીકે ગણવામાં આવે છે. ઉત્તરાખંડમાં ભાજપના જનરલ સેક્રેટરી બનાવવામાં આવ્યા ત્યારે તેઓ વડાપ્રધાન નરેન્દ્ર મોદી સાથે સીધી રીતે સંપર્કમાં હતા. ૨૦૧૪ લોકસભા ચૂંટણીમાં રાવત ઉત્તરપ્રદેશમાં અમિત શાહની સાથે સંકળાયેલા રહ્યા હતા. ભાજપે જોરદાર સપાટો બોલાવીને તમામ બેઠકો જીતી લીધી હતી. ઝારખંડમાં ભાજપની જીત માટે તેમને તમામ ક્રેડિટ મળી હતી. ઉત્તરાખંડના ભાજપ વડા અજય ભટે કહ્યું છે કે શનિવારના દિવસે ત્રણ વાગે શપથવિધિ કાર્યક્રમ યોજાશે. પાંચ વર્ષના ગાળા બાદ ભાજપની પહાડી રાજ્યોમાં સત્તામાં વાપસી થઈ છે. ભાજપે અહીં પ્રચંડ બહુમતી મેળવી છે.