Home » India » હરિયાણામાં જાટ આંદોલનને પગલે હાઇ એલર્ટ, ઇન્ટરનેટ સેવા બંધ

News timeline

Top News
28 mins ago

ગાઝા સરહદ ફરી ધણધણી, ઇઝરાયલે તોડી પાડી 25 મિસાઇલો

Bollywood
1 hour ago

મેં ફિલ્મોને નહીં, ફિલ્મોએ મને પસંદ કરી : કલ્કિ કોચલિન

Bangalore
2 hours ago

પંજાબ નેશનલ બેન્ક ગોટાળોઃ કુલ મળીને 54 કર્મચારીઓની સંડોવણી

Business
3 hours ago

Stock Market : બેંક, કન્ઝુમર ડ્યુરેબલ અને ફાર્મા સેક્ટર અપ

Gujarat
3 hours ago

રાજકોટનાં ૮ વેપારીઓ સાથે જેતપુરની પેઢીની ૨ કરોડની ઠગાઈ

Business
4 hours ago

XUV, કમ્પાસ વચ્ચે હરીફાઇ જામશે

Breaking News
4 hours ago

સપ્ટેમ્બર સુધીમાં અલ-નિનો ફેક્ટરની શક્યતા

Gujarat
5 hours ago

રાજુલા, જાફરાબાદ તાલુકા પંચાયતો ભાજપ પાસેથી ખૂંચવી

Bollywood
5 hours ago

હું હંમેશથી એન્ટરટેઇનર બનવા માંગતી હતી : જેકલીન

Business
5 hours ago

વરસાદ ખેંચાતાં ચણા સહિત વિવિધ કઠોળના ભાવ વધ્યા

Ahmedabad
6 hours ago

ધંધુકા તાલુકા પંચાયતમાં કોંગ્રેસનું સંખ્યાબળ હોવા છતાં સુપડા સાફ

Business
6 hours ago

ડિવિડન્ડ યીલ્ડમાં રોકાણની આકર્ષક તક

હરિયાણામાં જાટ આંદોલનને પગલે હાઇ એલર્ટ, ઇન્ટરનેટ સેવા બંધ

ચંડીગઢ : જાટ આરક્ષણ માટે આંદોલન કરતી સંસ્થાઓએ ૨૦મી માર્ચથી સંસદ ઘેરાવ કરીને ઉગ્ર આંદોલન છેડવાની ચીમકી આપી છે. આ બાબતને ધ્યાનમાં રાખી સમગ્ર હરિયાણામાં હાઇ એલર્ટ જાહેર કરાયું છે. એટલું જ નહીં, રાજ્યની ઇન્ટરનેટ સેવા પણ બંધ કરી દેવાઈ છે અને રાજ્યના અનેક સંવેદનશીલ વિસ્તારમાં સીઆરપીસીની કલમ ૧૪૪ લાગુ કરી દેવાઇ છે.
હરિયાણા પોલીસના સૂત્રોના જણાવ્યાનુસાર, રોહતક, જજ્જર, ભીવાની, ચારખી દાદરી અને હિસાર સહિતના સંવેદનશીલ જિલ્લામાં ચુસ્તપણે કલમ ૧૪૪ લાગુ કરાઇ છે. આ ઉપરાંત હિંસક આંદોલન અને અફવાઓને કાબૂમાં રાખવા ઇન્ટરનેટ સેવા પણ બંધ કરી દેવાઇ છે.
એક જિલ્લામાંથી બીજા જિલ્લામાં જતા ટ્રેક્ટર અને ટ્રોલી પર પણ હાલપૂરતો પ્રતિબંધ લાદી દેવાયો છે. લોકો એક સ્થળે ભેગા થઈને હિંસક ઘટનાને અંજામ ના આપે એ માટે આ નિર્ણય લેવો પડયો છે. કોઈ પણ અકુદરતી ઘટના સામે લડવા સેનાને પણ તૈનાત કરી દેવાઈ છે.
બીજી તરફ, ઓલ ઈન્ડિયા જાટ આરક્ષણ સંઘર્ષ સમિતિનું કહેવું છે કે, અમે કોઈ પણ સંજોગોમાં આંદોલન ચાલુ રાખીશું. આ તબક્કે કેન્દ્ર સરકારે હસ્તક્ષેપ કરવો જોઈએ. ગયા વર્ષે ફેબુ્રઆરીથી અમે હરિયાણા સરકાર સાથે છ વખત વાતચીત કરી ચૂક્યા છીએ, પરંતુ અમારી માંગ હજુ સુધી સંતોષાઈ નથી.
મનોહર લાલ ખટ્ટર સરકારને જાટોનો પ્રશ્ન ઉકેલવામાં કોઈ જ રસ નથી. એટલે જ અમે ૨૦મી માર્ચે દિલ્હીમાં સંસદ ઘેરાવનો કાર્યક્રમ કરવાનું નક્કી કર્યું છે. આ બાબતને ધ્યાને રાખી કેન્દ્રિય ગૃહ મંત્રાલયે હરિયાણા, ઉત્તરપ્રદેશ અને રાજસ્થાનને જાટોને દિલ્હી આવતા રોકવાનો આદેશ કર્યો છે. એટલું જ નહીં, આ રાજ્યોમાં કલમ ૧૪૪ લાગુ કરવાનું પણ સૂચન કર્યું છે.