Home » India » ફારુકનું માથું કાપી લાવનારને એક લાખનું ઈનામ જાહેર કરતા બજરંગ દળના નેતા

News timeline

Bollywood
4 mins ago

સિંઘમ બાદ રોહિત શેટ્ટી હવે સિમ્બા બનાવવા તૈયાર

Football
2 hours ago

કોલકતામાં મેરેડોનાની ૧૨ ફૂટ લાંબી કાંસ્યની પ્રતિમાનું લોકાર્પણ

Ahmedabad
2 hours ago

ગુજરાતમાં બીજા તબક્કામાં 68.70 ટકા મતદાન થયું

Bollywood
2 hours ago

રિતિકને પાછળ રાખી શાહિદ બન્યો સેકસીએસ્ટ એશિયન મેન

Ahmedabad
3 hours ago

મતદાન બન્યું હિંસક, અનેક સ્થળોએ જૂથ અથડામણ, પથ્થરમારો, વાહનો સળગાવાયા

Bollywood
3 hours ago

શાહીદની સાથે ઇલિયાના ફરી જોડી જમાવવા તૈયાર

Cricket
5 hours ago

ગેલનો રેકોર્ડ : ટી-૨૦માં ૨૦મી સદી સાથે ૧૧,૦૦૦ રન

Bollywood
7 hours ago

રિતિક સાથે ફિલ્મ મળતા વાણીનો ઉત્સાહ વધ્યો

Bangalore
7 hours ago

રામસેતુ કુદરતી નહીં, માનવ-નિર્મિત છે : અમેરિકાની ડિસ્કવરી

World
8 hours ago

અમેરિકામાં ડેમોક્રેટિક પક્ષે અલાબામા સેનેટ બેઠક જીતી : ટ્રમ્પને ફટકો

Headline News
8 hours ago

દુબઈ સુપર સિરિઝમાં સિંધુની રાહ આસાન : શ્રીકાંત હાર્યો

Top News
8 hours ago

એચ-૧બી વિઝા ધારકો હવે એકથી વધુ કંપનીમાં કામ કરી શકશે

ફારુકનું માથું કાપી લાવનારને એક લાખનું ઈનામ જાહેર કરતા બજરંગ દળના નેતા

આગરા : આગરાના બજરંગ દળના નેતાએ જમ્મુ અને કાશ્મીરના પૂર્વ મુખ્યમંત્રી અને નેશનલ કોન્ફરન્સના નેતા ફારુક અબ્દુલ્લાનું માથું કાપી લાવનારને એક લાખનું ઈનામ જાહેર કર્યું છે. કાશ્મીરમાં સુરક્ષાદળના જવાનો પર હુમલો કરનારા પથ્થરબાજોનો પક્ષ લેનારા અબ્દુલ્લાને નેતા ગોવિંદ પરાશરે દેશદ્રોહી ગણાવ્યાં હતાં. પરાશર બજરંગ દળના ગૌરક્ષા સેલના શહેર પ્રમુખ છે.

આ અગાઉ પણ વિવાદાસ્પદ નિવેદનો આપવા બદલ પરાશર ચર્ચામાં આવ્યાં હતાં. શ્રીનગરના લાલચોકમાં તિરંગો ફરકાવવાની તેમણે જાહેરાત કરી હતી. ફારુક અબ્દુલ્લાનું માથું કાપી લાવનારને ઈનામની જાહેરાત કરનાર બજરંગ દળના આ નેતાએ જણાવ્યું કે કાશ્મીર ઘાટીમાં જે રીતે સેનાના જવાનોને કાશ્મીરી યુવકો ટારગેટ કરી રહ્યાં છે તેનાથી દેશના નાગરિકોમાં રોષ ભભૂકી ઉઠ્યો છે. પક્ષના મતભેદોને બાજુમાં મૂકીને સેનાના જવાનોના અપમાનના આવા બનાવોને બધાએ વખોડ્યા છે.

તેમણે વધુમાં કહ્યું કે આમ છતાં પણ રાજ્યના પૂર્વ મુખ્યમંત્રીએ સેનાના જવાનોને પથ્થરોમારનારા એવા પથ્થરબાજોનો બચાવ કર્યો છે. આ ખરેખર દેશદ્રોહી કૃત્ય છે અને કોઈ પણ ભોગે ચલાવી શકાય નહીં. ફારુકના માથા પર એક લાખનું ઈનામ જાહેર કરવા ઉપરાંત તેમણે સરકાર પાસે આવા કૃત્યો સામે આકરા પગલાં લેવાની માંગણી કરી અને ફારુક જેવા નેતાઓને દેશદ્રોહી જાહેર કરવાની પણ માંગ કરી.