Home » Lifestyle » Spiritual » કાળી ચૌદશ, નરક ચતુર્દશી શા માટે કહેવાઈ ?

News timeline

Bollywood
5 hours ago

પ્રિયંકા -નિકને લગ્નની તસવીરોના બદલામાં ૨૫ લાખ ડૉલર મળશે

Cricket
5 hours ago

કુલદીપ યાદવની આઈસીસી ટી-૨૦ રેન્કિંગમાં ૧૪ ક્રમની છલાંગ

Bollywood
5 hours ago

ગુરૃ ગ્રંથ સાહિબના અપમાન મામલે અક્ષયને એસઆઇટીનું તેડું

Headline News
8 hours ago

સિંધુની નજર હોંગકોંગ ઓપન ટાઇટલ પર કેન્દ્રિત

Bollywood
8 hours ago

રણવીરસિંહ લગ્નના સ્થળે વિમાનમાં જાન લઇને પ્રવેશ કરશે

Bollywood
8 hours ago

મહિલા રેસલરે રાખી સાવંતને એવી પટકી તે સીધી હોસ્પિટલમાં

Breaking News
10 hours ago

મેક્રો ડેટા તેમજ ક્રૂડના ભાવ બજારને દોરશે

Breaking News
10 hours ago

ટોપ-5 કંપનીઓના માર્કેટકેપમાં 26,157 કરોડનો ઉછાળો

Business
11 hours ago

રિલાયન્સ ઇન્ડસ્ટ્રીઝે બોન્ડ મારફતે 3,000 કરોડ એકત્ર કર્યા

Breaking News
11 hours ago

બેલેન્સ્ડ એડ્વાન્ટેજ ફંડ્સના ઇક્વિટી રોકાણમાં ધરખમ વધારો

Gandhinagar
11 hours ago

કોંગ્રેસમાં હોદ્દો મેળવવા કુશ્તી, દિલ્હી સુધી બખેડો

Breaking News
12 hours ago

ફિનિક્સ મિલ્સ 4-5 વર્ષમાં ઓપરેશનલ રિટેલ પોર્ટફોલિયો બમણો કરશે

કાળી ચૌદશ, નરક ચતુર્દશી શા માટે કહેવાઈ ?

કાળીચૌદશ જેવા પવિત્ર દિનને કેટલાક લોકો એ ખોટી રીતે ડરામણો બનાવી, વગોવી નાખ્યો છે. વાસ્તવમાં તંત્ર વિદ્યા એ મેલી વિદ્યા નથી, પરંતુ માનવ-મનમાં પડેલી મલિનતાને દૂર કરનારી મંગળકારી વિદ્યા છે. જીવનમાં વસી ગયેલી કાળાશ એટલે ક્રુરતાને સમાપ્ત કરીને મન-હૃદયને શુધ્ધ-પવિત્ર કરનારૂં એ જ્ઞાાન છે. દિવાળીની પૂર્વસંધ્યાથી પ્રભાત સુધીની રાત્રી કાળી ચૌદશ કહેવાયી છે. તો એ સાથે તેને નરક ચતુર્દશી પણ કહે છે. આ જાણીને થોડા વિસ્મયનો અનુભવ થાય છે કે હિન્દુ- પંચાંગ પ્રમાણે વર્ષમાં આવતી ચોવીસ ચૌદશમાંથી એક યને કાળી કે નરક પંચાંગ પ્રમાણે વર્ષમાં આવતી ચોવીસ ચૌદશમાંથી એકયને કાળી કે નરક ચૌદશ કહેતા નથી, તો પછી આસો વદ ચૌદશને આવો સિરપાવ કેમ ?

એક પૌરાણિક કથા અનુસાર આજનાં દિવસે જ શ્રીકૃષ્ણએ નરકાસુર નામનાં રાક્ષસનો વધ કર્યો, પ્રજાને આવા આસુરથી તેનો વધ કરીને મુક્તિ અપાવી. તેની ખુશીમાં સૌ એ આ ચૌદશનાં પર્વની ઉજવણી કરી. એ અંધારી રાત્રિમાં નગરવાસીઓએ દીવાપ્રગટાવીને પ્રકાશ રેલાવ્યો અને આ નરક ચતુર્દશીનો તહેવાર મનાવ્યો. મા દુર્ગાનાં બે સ્વરૂપો ગણાયાં છે. એક સૌમ્ય તો બીજું રૌદ્ર. કાળી ચૌદશનું રાત્રિપર્વ મહાકાળીનાં રોદ્ર સ્વરૂપનું મનાયું છે, ત્યારે તેની ઉપાસના કરવામાં આવે છે. આ માતાનું સ્વરૂપ અનિષ્ટ તત્વનો નાશ કરીને, ઇષ્ટની પ્રાપ્તિ કરાવે છે. મનુષ્ય જીવ સ્વભાવગત અનેક દુર્ગુણોનો ગુલામ હોય છે, જે તેની આધ્યાત્મિક ઉન્નતિમાં મોટું વિઘ્ન બને છે. કાળી ચૌદર્શની વિશેષ રાત્રિ એ મા કાળીની ઉપાસના ભક્તોમાં દુર્ભાવોનો નાશ કરી તેને સાચો માર્ગ સૂચવે  છે.

મંત્ર- તંત્રના સાધકો માટે આસો વદ ચૌદશનો મહિમા વિશિષ્ઠ હોય છે. ગૂઢવિદ્યાનાં જાણકારો તંત્ર સાધકો અનોખી સિધ્ધિ પામવા તંત્ર-મંત્રની ઘોર સાધના કરે છે. સાધના શબ્દ, મૂળ સંસ્કૃત ‘ સાદ્ય્’ ધાતુ પરથી સાધના થયો. સાદ્ય એટલે કંઈક સાધવું, મેળવવું. એ પ્રાપ્ત કરવાનો પુરૂષાર્થ, તપ, ઉપાસના સેવા કે કાર્યકરણ એટલે સાધના. કાળી ચૌદશનું પર્વ સૌન્દર્ય વર્ધક હોવાથી તેને રૂપચતુર્દશી તરીકે પણ મનાવવામાં આવે છે.

આ દિવસનાં સંધ્યાકાળ પછી મોટાભાગની ગૃહિણીઓ, મહોલ્લાનાં નાકે, ચાર રસ્તાની ચોકડી પર, મગની દાળનાં વડા મૂકીને સાથે હનુમાનજી માટેનાં તેલની પળી રાખીને કકળાટને વિદાય આપવાની વિધિ કરે છે. આની પાછળ તેમની એવી ભાવના છે કે ઘર, પરિવારમાં આવી ગયેલા, કલેષ, કંકાશને કજીયાનો નાશ થાય. કુટુમ્બમાં શાંતિ- સુલેહની ભાવના સૌમાં વસે. કાળીચૌદશ જેવા પવિત્ર દિનને કેટલાક લોકો એ ખોટી રીતે ડરામણો બનાવી, વગોવી નાખ્યો છે. વાસ્તવમાં તંત્ર વિદ્યા એ મેલી વિદ્યા નથી, પરંતુ માનવ-મનમાં પડેલી મલિનતાને દૂર કરનારી મંગળકારી વિદ્યા છે. જીવનમાં વસી ગયેલી કાળાશ એટલે ક્રુરતાને સમાપ્ત કરીને મન-હૃદયને શુધ્ધ-પવિત્ર કરનારૂં એ જ્ઞાાન છે.