Home » India » Bangalore » રાજપક્ષેએ તમિલ કાર્ડ ખેલ્યું: અમારી સરકાર બનશે તો તમિલ કેદીઓ મુક્ત કરીશું

News timeline

Ahmedabad
29 mins ago

ગુજરાત સરકાર ખેડૂતોને સહાયનું માત્ર નાટક કરે છે: કૉંગ્રેસ

Gandhinagar
4 hours ago

ઓછા વરસાદવાળા 45 તાલુકાઓ માટે કરી વિશેષ પેકેજની જાહેરાત

Bollywood
15 hours ago

પોતાની પર્સનલ લાઇફ એન્જોય કરી રહી છે : મલાઇકા

Cricket
15 hours ago

ઓસ્ટ્રેલિયા પ્રવાસ માટે ટીમ ઇન્ડિયા રવાના

Cricket
18 hours ago

પાકિસ્તાન સામે ન્યુઝીલેન્ડ ૧૫૩ રનમાં ઓલ આઉટ

Canada
18 hours ago

બ્રામ્પ્ટનના ગરવી ગુજરાત સિનિયર્સ પરિવાર દ્વારા દિવાળી અને નવ વર્ષની ઉજવણી

Bollywood
18 hours ago

શમશેરામાં વાણી-રણબીરની જોડી ચમકશે

Canada
19 hours ago

જીપીએસી દ્વારા દિવાળીની ઉજવણી : ગીત સંગીતે જમાવી રમઝટ

Cricket
20 hours ago

મિતાલી રાજે ટી-૨૦માં સર્વાધિક રન મામલે રોહિત શર્માને પાછળ મુકયો

Canada
20 hours ago

ઓન્ટેરિયોમાં ર્પાકિંગની સમસ્યા માટે ઓનલાઇન ફરિયાદ કરી શકાશે

Bollywood
21 hours ago

રિતિક રોશનની સુપર-૩૦ હવે કબીર ખાન પૂર્ણ કરશે

Breaking News
22 hours ago

સિંહ-દર્શનથી વનખાતાને એક કરોડથી વધુની કમાણી થઈ

રાજપક્ષેએ તમિલ કાર્ડ ખેલ્યું: અમારી સરકાર બનશે તો તમિલ કેદીઓ મુક્ત કરીશું

કોલંબો  : શ્રીલંકાના વડાપ્રધાન મહિન્દ્રા રાજપક્ષેએ સંકેત આપ્યો છે કે,અમારી સરકાર બનશે તો શ્રીલંકાની જેલોમાં કેદ તમિલ કેદીઓ મુક્ત થઈ શકે છે. સૌથી પહેલાં આ નિવેદન તેમના પુત્ર નમલ રાજપક્ષએ કર્યું હતું. શ્રીલંકામાં તમિલો લઘુમતીમાં છે. રાજકીય નિષ્ણાતોના મતે, રાજપક્ષે સરકારે તમિલ સમાજની સાથે ભારતની સહાનુભૂતિ મેળવવા માટે આ પત્તું ખેલ્યું છે.

શ્રીલંકાના પ્રમુખ મૈથરિપાલા સિરિસેનાએ ૨૬મી ઓક્ટોબરે રાનિલ વિક્રમાસિંઘેની વડાપ્રધાનપદેથી હકાલપટ્ટી કરી દીધી હતી. ત્યાર પછી યુનાઈટેડ નેશનલ પાર્ટીએ દાવો કર્યો હતો કે, શ્રીલંકન પ્રમુખનો નિર્ણય ગેરબંધારણીય અને ગેરકાયદે છે. આ દરમિયાન વિક્રમાસિંઘેએ કહ્યું હતું કે, હજુ પણ શ્રીલંકાનો વડાપ્રધાન હું જ છું, જેના કારણે શ્રીલંકામાં રાજકીય કટોકટી સર્જાઈ હતી.

ધ લિબરેશન ટાઈગર્સ ઓફ તમિલ ઈલમ (એલટીટીઈ)એ ત્રણ દાયકા સુધી શ્રીલંકામાં સશસ્ત્ર બળવો કરીને તમિલો માટે અલગ દેશની માગ કરી હતી. શ્રીલંકન સેનાએ ૨૦૦૯માં એલટીટીઈના વડા પ્રભાકરનનો ખાત્મો કર્યો ત્યારે આ યુદ્ધનો અંત આવ્યો હતો. એ વખતે શ્રીલંકાના પ્રમુખપદે રાજપક્ષે હતા, જેમણે વારંવાર કહ્યું હતું કે, અમારી લડાઈ તમિલો સામે નહીં પણ એલટીટીઈ સામે છે.

હવે રાજપક્ષેના પુત્ર અને તેમના નેતાઓએ તમિલ નેશનલ એલયાન્સ નામના તમિલોના પક્ષને વિશ્વાસમાં લેવા આ પ્રકારના નિવેદનો કર્યા હોઈ શકે છે. શ્રીલંકામાં સર્જાયેલી રાજકીય કટોકટી વચ્ચે ૨૨૫ સભ્ય ધરાવતી સંસદમાં રાજપક્ષેને ૧૦૦ અને વિક્રમાસિંઘેને ૧૦૩ સાંસદનો ટેકો છે. આ સિવાયના બાકીના ૨૨ સાંસદ તમિલ નેશનલ એલાયન્સના છે.

નોંધનીય છે કે, હાલમાં જ રાજપક્ષેના પક્ષ પર સામા જૂથના સાંસદોની ખરીદફરોત કરવાનો આરોપ લાગ્યો હતો. આ કેસની તપાસ પણ સોંપવામાં આવી છે.