Home » Gujarat » Ahmedabad » કોંગ્રેસના નેતાઓની લડાઈમાં આખરે સાત મહિના મોડું પ્રદેશ માળખું જાહેર

News timeline

India
24 hours ago

મંદિર બહાર ભીખ માગતી મહિલાનુ શહિદોના પરિવારોને 6.61 લાખ રૂપિયાનુ દાન

World
1 day ago

અમે અવિરત ઉડતી રહે એવી મિસાઈલ બનાવી : રશિયા

World
1 day ago

અમેરિકામાં ભારતીય અમેરિકને પત્નીની હત્યા કર્યા પછી આત્મહત્યા કરતાં ચકચાર

World
1 day ago

ઈસ્લામિક સ્ટેટના આતંકવાદી સાથે કર્યા લગ્ન, ટોર્ચર ચેમ્બરમાં મનાવવી પડી સુહાગ રાત

Bollywood
1 day ago

ભારતીય સિને કલાકારો ૫ાકિસ્તાની કલાકારો સાથે કામ નહીં કરે

Bangalore
1 day ago

પુલવામા હુમલા બાદ પણ PM મોદી ફિલ્મ શૂટિંગમાં વ્યસ્ત હતાઃ કોંગ્રેસ

Canada
1 day ago

કયૂબેકમાં બાળકોને વધુ રીસેસ આપવાનું વચન સરકારે પૂરું કર્યું

Canada
1 day ago

બ્રિટિશ કોલંબિયામાં ભારે બરફ પડયોે : શાળા અને યુનિ.ને બંધ

Canada
1 day ago

એન્ટાર્ટિકા-ગ્રીનલેન્ડના બરફ ઓગળતાં કેનેડાના હવામાનને અસર થશે

Cricket
1 day ago

વર્લ્ડકપ ૧૦૦ દિવસ દૂર : યજમાન ઇંગ્લેન્ડને ચેમ્પિયન બનવાની આશા

Gujarat
1 day ago

સ્વાઈન ફલૂમાં મોત મામલે ગુજરાત દેશમાં બીજા નંબર પર, 24 કલાકમાં નવા 110 કેસ

Ahmedabad
1 day ago

આજથી STના 45,000 કર્મચારીઓ માસ સીએલ પર, 8,૦૦૦ બસના પૈડા થંભ્યા!

કોંગ્રેસના નેતાઓની લડાઈમાં આખરે સાત મહિના મોડું પ્રદેશ માળખું જાહેર

અમદાવાદ – ગુજરાત કોંગ્રેસના પ્રદેશ પ્રમુખ અમિત ચાવડા અને વિપક્ષ નેતા પરેશ ધાનાણીની આંતરિક લડાઈના કારણે આખરે કોંગ્રેસનું પ્રદેશ માળખું સાત મહિના મોડું જાહેર થયું છે. સોમવારે સાંજે કોંગ્રેસ હાઈકમાન્ડે રિંગણા લઉં બે ચાર, અરે લ્યોને દસ-બારની નીતિ અપનાવીને ૪૦૨ આગેવાનોના પ્રદેશના જમ્બો માળખાની જાહેરાત કરી છે, લોકસભાની આગામી ચૂંટણીને ધ્યાને રાખીને જાહેર કરાયેલા માળખા પછીયે પાર્ટીમાં ભારોભાર અસંતોષનો સૂર ઊઠયો છે. ચૂંટણી હારી જતાં જૂના પ્રદેશ નેતાઓ-છાપેલા કાટલાંને પણ સંગઠનમાં સામેલ કરી દેવાયા છે, જેના કારણે નવા યુવા કાર્યકરોની કમી દેખાઈ રહી છે.

કોંગ્રેસનું જે માળખું જાહેર થયું છે તેમાં ૨૨ વાઈસ પ્રેસિડેન્ટ, એક ટ્રેઝરર, ૪૩ જનરલ સેક્રેટરી, ૧૬૯ સેક્રેટરી, ૧૧ પ્રવકતા, ૦૬ પ્રોટોકોલ સચિવ, ૦૭ જોઈન્ટ સેક્રેટરી, ૪૮ એક્ઝિક્યુટિવ કમિટી મેમ્બર, ૪૧ પરમેનન્ટ ઈનવાઈટી અને ૫૪ વિશેષ ઈન્વાઈટી સામેલ કરાયા છે. ગત વખતના ૩૦૦ના માળખાંમાં વધુ ૧૦૨ આગેવાનો સામેલ કરાયા છે. જે ૨૨ વાઈસ પ્રેસિડેન્ટ જાહેર કર્યા છે તેમાં જૂના ચહેરા, ચૂંટણી હારેલા આગેવાનો જેવા કે સોમા પટેલ, જગદીશ ઠાકોર, ડો. જીતુ પટેલ વગેરે સામેલ છે.

આ પોસ્ટમાં યુવાઓની ધરાર બાદબાદી કરાઈ છે. ડો. હિમાંશુ પટેલ અને નિશિત વ્યાસને હવે પ્રવકતાને બદલે જનરલ સેક્રેટરીની જવાબદારી અપાઈ છે તો મુખ્ય પ્રવકતા તરીકે ડો.મનીશ દોશીને જાહેર કર્યા છે. આ સાથે જ ગત વિધાનસભા ચૂંટણીમાં હારી ગયેલા આગેવાનોને પણ જનરલ સેક્રેટરી બનાવ્યા છે. મીડિયા ટીમમાં નવા ચહેરા તરીકે નીમેશ દેસાઈ, આશાબહેન પટેલ સામેલ છે. પરમેનન્ટ ઈનવાઈટીમાં સાંસદ એહમદ પટેલ તેમજ જૂના ચહેરાઓ છે. મોટા ભાગના ધારાસભ્યોને પણ સંગઠનમાં લેવાયા છે. શહેર પ્રમુખની રેસમાં જે હતા તે જ્યોર્જ ડાયસને સેક્રેટરીનું પદ અપાયું છે. બીજી બાજુ યાદીમાં કેટલાક નામોને લઈ એવો સૂર ઊઠયો છે કે, ચૂંટણીમાં પક્ષ પર દબાણ ઊભું કરનારા બાગીઓને સામેલ કરાયા છે. કેટલાક તો માથાભારે, ભૂમાફિયા અને તોડબાજ છે.