Home » World » બ્રાઝિલના રાષ્ટ્ર પ્રમુખ ટેમરે ભૂત થતું હોવાના ડરે મહેલ છોડી દીધો !

News timeline

Top News
27 mins ago

ગાઝા સરહદ ફરી ધણધણી, ઇઝરાયલે તોડી પાડી 25 મિસાઇલો

Bollywood
1 hour ago

મેં ફિલ્મોને નહીં, ફિલ્મોએ મને પસંદ કરી : કલ્કિ કોચલિન

Bangalore
2 hours ago

પંજાબ નેશનલ બેન્ક ગોટાળોઃ કુલ મળીને 54 કર્મચારીઓની સંડોવણી

Business
3 hours ago

Stock Market : બેંક, કન્ઝુમર ડ્યુરેબલ અને ફાર્મા સેક્ટર અપ

Gujarat
3 hours ago

રાજકોટનાં ૮ વેપારીઓ સાથે જેતપુરની પેઢીની ૨ કરોડની ઠગાઈ

Business
4 hours ago

XUV, કમ્પાસ વચ્ચે હરીફાઇ જામશે

Breaking News
4 hours ago

સપ્ટેમ્બર સુધીમાં અલ-નિનો ફેક્ટરની શક્યતા

Gujarat
5 hours ago

રાજુલા, જાફરાબાદ તાલુકા પંચાયતો ભાજપ પાસેથી ખૂંચવી

Bollywood
5 hours ago

હું હંમેશથી એન્ટરટેઇનર બનવા માંગતી હતી : જેકલીન

Business
5 hours ago

વરસાદ ખેંચાતાં ચણા સહિત વિવિધ કઠોળના ભાવ વધ્યા

Ahmedabad
6 hours ago

ધંધુકા તાલુકા પંચાયતમાં કોંગ્રેસનું સંખ્યાબળ હોવા છતાં સુપડા સાફ

Business
6 hours ago

ડિવિડન્ડ યીલ્ડમાં રોકાણની આકર્ષક તક

બ્રાઝિલના રાષ્ટ્ર પ્રમુખ ટેમરે ભૂત થતું હોવાના ડરે મહેલ છોડી દીધો !

રીયો ડી જાનેરો :  બ્રાઝીલના રાષ્ટ્રપ્રમુખ માઈકલ ટેમરે તેમને ફાળવવામાં આવેલા સત્તાવાર નિવાસસ્થાન અલ્વોરાદા ખાલી કરીને અગાઉ તેઓ જ્યાં રહેતા હતા તે ઉપપ્રમુખના નજીકમાં આવેલા નિવાસસ્થાન જાબુરૃ પેલેસમાં રહેવા જતાં રહ્યા છે. જોકે તેમણે રાષ્ટ્રપ્રમુખ તરીકે ફાળવાયેલા મહેલને ખાલી કરવા માટે એવું કારણ આપ્યું છે કે તે મહેલમાં ભૂત અને પિશાચી શક્તિઓનો વાસ છે અને તેઓ ત્યાં રહી શકે તેમ નથી.
બ્રાઝીલના સ્થપતિ (આર્કિટેક) ઓસ્કાર નિએમ્યરે તૈયાર કરેલી ડિઝાઈનને આધારે આ મહેલ રચાયો હતો, જેમાં રહેવાની હર કોઈને લાલચ થાય તેવા આ નિવાસમાં વિશાળ સ્નાનાગાર, ફૂટબોલનું મેદાન, ઘર મંદિર, મેડિકલ સેન્ટર અને વિશાળ લોન હોવા છતાં ટેમરે તે મહેલમાં રહેવાનું છોડી દીધું છે.
૭૬ વર્ષીય ટેમર, તેમની ૩૩ વર્ષીય પત્ની અને પૂર્વ બ્યુટી ક્વિન મર્સેલા અને સાત વર્ષનો પુત્ર માઈકલઝીન્હો પૂર્વે રહેતા હતા તે નાયબ વડાના મકાનમાં રહેવા આવતા રહ્યા છે. આ અંગે ટેમરનું કહેવું એમ છે કે તે મહેલમાં પિશાચી તત્ત્વોનો અને ભૂતનો વાસ છે. હું પ્રથમ રાત્રીથી જત્યાં સુઈ શકતો ન હતો. મને ત્યાં કોઈ અજબ (સ્ટ્રેન્જ) અનુભૂતિ થતી હતી.
અમારા પરિવારમાં મારો સાત વર્ષનો પુત્ર એક માત્ર એવો સદસ્ય હતો જે મહેલના એક છેડાથી બીજા છેડે દોડાદોડી કરતો હતો અને તેને કોઈ કડવો અનુભવ થયો ન હતો. આ મહેલને અલ્વોરાદા નામ અપાયેલું છે જેનો અર્થ થાય છે ભળકડું, વહેલી સવાર પણ ટેમરને ભવ્ય અને આગળના ભાગમાં સંપૂર્ણતયા કાચથી મઢાયેલો આ મહેલ ટેમરને નહીં જચતા તેઓએ ખાલી કરી નાંખ્યો છે. તેમણે નઠારા તત્ત્વોને ભગાવવા માટે, સાધુ સંત વગેરેને અજમાવ્યા છતાં તેમને સફળતા મળી ન હતી.
જ્યારે દિલ્મા રૌસેફ રાષ્ટ્ર પ્રમુખ હતા ત્યારે ટેમર નાયબ વડા હતા. પણ બજેટના કાયદાઓના ઉલ્લંઘન માટે રૌસેફ સામે મહાભિયોગ (ઈમ્પિચમેન્ટ)ની કાર્યવાહી થઈ, પ્રમુખપદેથી તેમને હટાવાતા ટેમર આપોઆપ રાષ્ટ્ર પ્રમુખ બન્યા પણ તેમના પ્રમુખ બન્યા બાદ તેમનું નાયબ વડાનું પદ અને મહેલ બન્ને ખાલી હતા તેથી તેઓ પ્રમુખપદે તો છે જ પણ નિવાસ બદલી નાંખ્યું છે.