વડોદરાના પાદરાના ડબગા ગામે લોંખડની એંગલ વીજ વાયરને અડી જતા 15 યુવકોનો કરંટ લાગ્યો છે જેમાં એક યુવાનનું મોત થયું છે.પાદરા તાલુકાના ડબકા ગામે વેરાઈ માતાના મંદિર પાસે ગણેશ પંડાલ બાંધવાની કામગીરી ચાલી રહી,14 યુવાનોને નાની મોટી ઈજા પહોંચતા તેમને સારવાર હેઠળ ખસેડાયા છે,એક યુવાનનું મોત થતા પરિવારજનો તેમજ મિત્રોમાં શોકની લાગણી છવાઈ છે,પ્રકાશ ડાયાભાઈ જાદવ ઉર્ફે સચિન આશાસ્પદ યુવાનનું ઘટના સ્થળ પર મોત થયું છે.

યુવાનનું મોત થતા સમગ્ર ગામમાં શોકનો માહોલ છવાયો છે.લોખંડની એંગલ પંડાલ પરથી પસાર થતા હાઈટેન્શન લાઈનને અડી જતા ઘટના બની છે.ચોમાસાના સમય દરમિયાન વીજ કરંટ લાગાવાની ઘટના સૌથી વધુ બનતી હોય છે,ત્યારે ટૂંક સમયમાં ગણેશ ચતુર્થી આવશે અને ઠેર-ઠેર લોકો મંડપ બાંધીને ગણેશ દાદાની મૂર્તિની સ્થાપના કરશે,ત્યારે જયાં પાણી ભરાયું હોય અથવા તો જયા વધારે વીજ વાયરો એકસાથે નિકળતા હોય તેવી જગ્યાએ મંડપ નહી બાંધવો જોઈએ.