નવી દિલ્હી :ચકદા એક્સપ્રેસ એટલે કે ભારતના દિગ્ગજ ક્રિકેટ ખેલાડી ઝૂલન ગોસ્વામી લૉર્ડ્સ પર શનિવારે પોતાની છેલ્લી મેચ રમશે. જે બાદ તેઓ ઈન્ટરનેશનલ ક્રિકેટને અલવિદા કહી દેશે પરંતુ ક્રિકેટ, ઝુનૂન અને લગનની આ સફર બે દાયકા કરતા વધારે જૂની છે. 

ઈડન ગાર્ડન ભારતમાં ક્રિકેટનુ મક્કા. 29 ડિસેમ્બર 1997ના દિવસે મેદાનમાં ખૂબ ઉત્સાહ હતો. મહિલા ક્રિકેટ વિશ્વ કપના ફાઈનલમાં ન્યુઝીલેન્ડ અને ઓસ્ટ્રેલિયાની મેચ ચાલી રહી હતી. ઓસ્ટ્રેલિયાની બેલિંડા ક્લાર્ક ચારે તરફ ચોગ્ગા છગ્ગા ફટકારી રહ્યા હતા. તે ફાઈનલ મેચમાં 15 વર્ષની એક ભારતીય યુવતી પણ હતી જે બંગાળના એક ગામમાંથી આવી હતી અને બોલ ગર્લની ડ્યુટી પર હતી.

આજે જ્યારે 20 વર્ષના લાંબા કરિયર બાદ તેઓ રિટાયર થઈ રહ્યા છે. ઝૂલન ગોસ્વામીની ગણતરી દુનિયાની સર્વશ્રેષ્ઠ મહિલા ક્રિકેટરોમાં થાય છે. લૉર્ડ્સ મેદાન પર પોતાની છેલ્લી આંતરરાષ્ટ્રીય મેચ રમ્યા પહેલા 20 સપ્ટેમ્બર સુધી ઝૂલનના નામે વન ડે ક્રિકેટમાં 253 વિકેટ છે. 

પોતાના શરૂઆતી દિવસને યાદ કરતા ઝૂલન જણાવે છે, બંગાળના એક નાના ગામના ચકદામાં ભણી ગણી, ઘરના આંગણામાં તમામ યુવક ક્રિકેટ રમતા હતા જેવુ ઘણીવાર ગામ-મોહલ્લામાં બનતુ થાય છે. હુ તેમની બોલ ગર્લ થતી હતી જેનુ કામ હતુ આંગણાની બહાર જઈ બોલને ઉઠાવીને લાવવુ અને ભાઈઓને આપવો. બપોરે જ્યારે તમામ સૂઈ જતા હતા તો હુ એકલી પ્રેક્ટિસ કરતી હતી.