એમેઝોનના માલિક બેઝોસે ખરીદયુ 1171 કરોડ રૂપિયાનુ ઘર

February 13, 2020

વૉશિંગ્ટન : દુનિયાના સૌથી અમીર વ્યક્તિ અને એમેઝોનના માલિક જેફ બેઝોસે અમેરિકાના લોસ એન્જિલિસ શહેરમાં 16.5 કરોડ ડોલર એટલે કે અધધ...1171 કરોડ રૂપિયાનુ ઘર ખરીદીને નવો રેકોર્ડ સ્થાપ્યો છે. 

લોસ એન્જિલિસમાં કોઈ ઘર માટે થયેલો અત્યાર સુધીનો આ સૌથી મોટો સોદો છે. બેઝોસે આ ઘર મીડિયા વ્યવસાયી ડેવિડ ગેફેન પાસેથી ખીદયુ છે. આ પહેલા 2019માં 15 કરોડ ડોલરમાં એક ઘરનો સોદો થયો હતો.

બેઝોસે ખરીદેલો વોર્નર એસ્ટેટ નામનો બંગલો લોસ એન્જિલિસિના સૌથી મોંઘા દાટ વિસ્તાર ગણાતા બેવર્લી હિલ્સમાં નવ એકર વિસ્તારમાં ફેલાયેલો છે.જેમાં ગેસ્ટ હાઉસ, ટેનિસ કોર્ટ, ગોલ્ફ કોર્સ સહિતની સુવિધાઓ છે.