સુરત : રાજ્યમાં ટ્રાફિક નિયંત્રણ માટે સરકાર દ્વારા અર્થાંગ પ્રયત્નો કરવામાં આવે છે. પરંતુ છેવટે કોઈ પણ સિટી હોય સ્થિતિ જેવી હતી તેવી થઈ જાય છે. ત્યારે સુરતમાં ટ્રાફિક સમસ્યા નિવારવા માટે એક મહત્વપૂર્ણ નિર્ણય લેવામાં આવ્યો છે. સુરતમાં સવારે 9થી 12 અને સાંજે 6થી 9 સુધી મોટા વાહનો પર પ્રતિબંધ મૂકવામાં આવ્યો છે.

સુરતના રિંગ રોડ વિસ્તાર માટે એક જાહેરનામું બહાર પાડવામાં આવ્યું છે. તમને જણાવીએ કે સુરતમાં ટેક્સટાઈલ માર્કેટ, સંગઠનો અને પોલીસની એક બેઠક મળી હતી. જેમાં આ નિર્ણય લેવાયો છે. જેથી હવે સવારે 9થી 12 અને સાંજે 6થી 9માં ટેમ્પો, લોડિંગ રીક્ષા, છોટા હાથી પર રોક લગાવવામાં આવી છે.

સુરતમાં ટેકસટાઇલ માર્કેટનો ટ્રાફિક હંમેસાં માટે અડચણરૂપ બનતો હોય છે. સુરતમાં ટેક્સટાઈલ માર્કેટમાં માલની અવર જવરના વાહનોના કારણે ટ્રાફિક લોકો માટે માથાનો દુખાવો બનતા હોય છે. જેથી વારંવારની રજૂઆતો બાદ ટ્રાંફિક નિયંત્રણ લાવવા માટે આજે એક મહત્વપૂર્ણ નિર્ણય લેવાયો છે. જેમાં પ્રતિબંધિત એરિયામાં સવારે 09થી 12 અને સાંજે 06થી 9 મોટા વાહનો પર પ્રતિબંધ લાધી દેવામાં આવ્યો છે. આ પ્રતિબંધ રિંગ રોડ વિસ્તાર માટે છે, જેને લઈને જાહેરનામું પણ બહાર પાડવામાં આવ્યું છે.

અત્રે ઉલ્લેખનીય છે કે, છેલ્લા પંદરેક દિવસથી વાંકલ ગામ અને આજુબાજુના વિસ્તારોમાં છાશવારે અકસ્માતના બનાવો બની રહ્યા છે. વિસ્તારમાં ક્વોરી ઉદ્યોગ, બાંધકામ ઉદ્યોગ તેમજ અન્ય કારખાના આવેલા હોય આ માર્ગો પર મોટા અને ભારે વાહનોની અવરજવર વધુ રહે છે. ખાસ કરીને વાંકલ બજારમાં પણ આવા મોટા વાહનો પૂરઝડપે જઇ રહ્યા હોય લોકોને જીવનું જોખમ રહે છે.

બજારમાં જ અનેક સંસ્થા અને શાળા કોલેજો તેમજ બેન્ક સહિતની કચેરીઓ આવેલી હોય લોકોની પણ અવરજવર વધુ રહેતી હોવાથી ભારે વાહનોની અવરજવર પર પ્રતિબંધ મૂકવાની માગ કરવામાં આવી હતી. આ ગૃપ દ્વારા બેફામ રીતે વાહન ચલાવતા ટ્રક ડ્રાઈવરો સામે યોગ્ય કાર્યવાહી કરવાની માગ કરવામાં આવી હતી. આ ઉપરાંત મુખ્ય રસ્તાઓ પર બેરીકેટ્સ મૂકી વાહનોની સ્પીડ ઘટાડવા માટે પણ રજૂઆત કરવામાં આવી હતી.