સોમવારે પાંચ વાગ્યા સુધીમાં 1,48,266 લોકોને કોરોના રસી લગાવવામાં આવી
સાઇડ ઇફેક્ટ જોવા મળતા 7 સાત લોકો હોસ્પિટલમાં દાખલ

નવી દિલ્હી- દેશભરમાં 16 જાન્યુઆરીથી કોરોના રસીકરણ અભિયાનનો પ્રારંભ થયો છે. સોમવારે કોરોના રસીકરણ અભિયાનનો ત્રીજો દિવસ હતો. દેશમાં અત્યાર સુધીમાં લાખો લોકોને કોરોના વેક્સિન લગાવવામાં આવી છે. આ ત્રણ દિવસમાં કોરોના વેક્સિનેશનનો કુલ આંક 3 લાખ 81 હજારને પાર પહોંચ્યો છે. સોમવારની વાત કરે તો જે સાંજે પાંચ વાગતા સુધીમાં દેશભરમાં 1,48,266 લોકોને કોરોના રસી લગાવવામાં આવી છે. 

દેશમાં શરુ થેયલા કોરોના રસીકરણ અભિયાન સફળ છે. સૌથી મહત્વની વાત છે કે કોરોના વેક્સિનની સાઇડ ઇફેક્ટના કેસ નગણ્ય છે. સ્વાસ્થ્ય મંત્રાલય દ્વારા આ આંકડાઓ આપવામાં આવ્યા છે. સ્વાસ્થ્ય મંત્રાલયના જણાવ્યા પ્રમાણે અત્યાર સુધીમાં કરોના રસીના કારણે સાઇડ ફેક્ટના 580 કેસ સામે આવ્યા છે. જેમાંથી સાત લોકોને હોસ્પિટલમાં દાખલ કરવામાં આવ્યા છે. તો બાકીના લોકોમાં હળવી સાઇડ ઇફેક્ટ જોવા મળી છે. તો આ તરફ ઉત્તર પ્રદેશ અને કર્ણાટકની અંદર કોરોના વેક્સિન લીધા બાદ બે લોકોના મોત પણ થયા છે. જો કે સ્વાસ્થ્ય મંત્રાલયે સ્પષ્ટતા કરી છે કે આ મોતને કોરોના વેક્સિન સાથે કોઇ સંબંધ નથી. રાજ્યવાર આંકડાની વાત કરે તો સોમવારે આંધ્ર પ્રદેશમાં 9758, અરુણાચલ પ્રદેશમાં 1054, અસમમાં 1872, બિહારમાં 8656, છત્તીસગઢમાં 4459, દિલ્હીમાં 3111,  હરિયાણામાં 3446, હિમાચલ પ્રદેશમાં 2914, જમ્મુ કાશ્મીરમાં 1139, ઝારખંડમાં 2687, કર્ણાટકમાં 36888 લોકોને કોરોના વેક્સિન આપવામાં આવી છે.