જો તમે લાંબા સમયથી તમારી ચામડીની ઉપેક્ષા કરી રહ્યાં છો તો અમે તમને જણાવી દઈએ કે, રાતે સૂતા સમયે ત્વચાની દેખભાળ કરવી ખૂબ જરુરી છે. દિવસે તમે ત્વચાની કાળજી રાખો છો તો રાતે પણ ત્વચાની કાળજી રાખવી જોઈએ. જે મોટાભાગના લોકો નથી કરતાં. રાતના સમયે જ્યારે સૂવાનો સમય હોય છે, ત્યારે ચામડીની કોશિકાઓ સરખી કરવામાં અનેક રીત મદદ કરે છે. આ પેસ્ટ તેમજ કુદરતી ઉપચારના કારણે કોશિકાના પુનર્જન્મ તેમજ મેકઅપના થથેડા ઉતરે ત્યારે થતી સમસ્યા ખીલ તેમજ ડાઘ-ધબ્બાઓથી પણ છુટકારો મળે છે. અહીં 5 વસ્તુઓ એવી જણાવી છે. જે રાતે પાર્ટી કર્યા પછી તેમજ સૂતા પહેલા તાજો અને સ્વચ્છ તેમજ ચમકદાર ચહેરો મળી શકે છે.

પોતાના ચહેરા પર લગાવેલો મેકઅપ હટાવી દો
પાર્ટી કરતા સમયે, મેકઅપ પર પરસેવો અને ગંદકી પણ જામી જાય છે. જે ખીલ અને ડાઘ-ધબ્બાઓ જેવી સમસ્યાનું કારણ બને છે. સૌથી પહેલા તમે મેકઅપ હટાવી દો. સરળ રીતે DIY મેકઅપ રિમૂવર માટે એક મોટી ચમચી એલોવેરા જેલ અને એક મોટી ચમચી જૈતૂનનું તેલ અથવા તો જોજોબા તેલ લો. રુથી આ દરેકને થપથપાવીને ચહેરા પર લગાવો. આઈલાઈનર તેમજ મસ્કરાને ફાઉન્ડેશન તેમજ બ્લશને અસરકારક રીતે દૂર કરવામાં મદદ કરે છે. જેથી ચામડી સાફ, તાજી અને ચમકદાર રહે છે. અન્ય એક રીત મીઠા બદામના તેલનો ઉપયોગ કરવાની છે. મીઠા બદામના તેલને કુદરતી રીતે મેકઅપ રિમૂવર માનવામાં આવે છે. જે ચહેરાને કુદરતી રીતે ચમકદાર માનવામાં આવે છે.

વધુમાં વધુ પાણી પીઓ
સ્વસ્થ ચામડીની બનાવટ માટે પોતાને હાઈડ્રેટેડ રાખવી જરુરી છે. પાર્ટી કરતા સમયે દારુ અને કોકટેલનું સેવન શરીરની સાથે-સાથે જ ત્વચા પર પણ ડિહાઈડ્રેટિંગ અસર કરે છે. આલ્કોહોલ ત્વચાના રોમછ્રીદ્રોને પહોળા કરે છે. જેથી બ્લેકહેડ્સ અને વ્હાઈટહેડ્સ થઈ જાય છે. હાઈડ્રેશનમાં રાખવા માટે ગુલાબજળ સ્પ્રે કરી શકો છો અથવા તો રુની મદદથી તેને ગુલાબજળમાં ડૂબાડીને થપથપાવી શકો છો. ગુલાબજળ પણ ચામડી પર રિહાઈડ્રેટિંગ સિસ્ટમ ઉભી કરે છે.

કેટલાક ફેસ સીરમથી પોતાની ત્વચા નિખારો
 ફેસ સીરમ લગાવવાની યોગ્ય રીત છે કે તેને દિવસમાં બે વાર લગાવવું જોઈએ. એકવાર સવારે અને એકવાર રાતે. દરેક પ્રકારની ત્વચા માટે અલગ અલગ પ્રકારના ફેસ સીરમ ઉપલબ્ધ છે. કોઈ ચામડીને ચમકદાર બનાવવા માટે વધારાનો લાભ પણ થાય છે.વિટામીન સી સાથે હયાલૂરોનિક એસિડ યુક્ત ફેસ સીરમ પાર્ટી પછીની સ્કિનકેર વ્યવસ્થા માટે સૌથી ઉત્તમ છે. હાયલ્યુરોનિક એસિડ હાઈડ્રેશનને વધારે છે અને ત્વચાની સ્થિતિસ્થાપકતા વ્યવસ્થિત રાખવા માટે મદદ કરે છે.

કોમળ અને નરમ ત્વચા માટે ફેસ ક્રીમ
 જ્યારે સ્કિનકેર રુટિનની વાત આવે છે તો ફેસ સીરમ અને ફેસ ક્રીમ બન્નેનો ઉપયોગ થાય છે. જે એક ભીનાશ આપે છે અને એક ભીનાશ રોકે છે. ફેસ સીરમ લગાવ્યા પછીની સૌથી સારી ક્રીમ કુમકુમાદી તૈલમ આધારીત ક્રીમ છે. કુમકુમાદી દરેક પ્રકારની ચામડી માટે સૌથી ઉત્તમ છે. જોકે, સુકી અને સંવેદનશીલ પ્રકારની ત્વચા પર સૌથી વધારે અસરકારક નીવડે છે. કુમકુમાદી તૈલમમાં એન્ટીસેપ્ટિક, કીટાણુરહિત ગુણો હોય છે. લાંબા સમય સુધી મેકઅપ રાખ્યા પછી ત્વચાની સમસ્યાઓ જેવી કે ખીલ અને ડાઘ-ધબ્બાઓથી બચવા કરી શકે છે.

પિંક ક્લે માસ્ક
ગુલાબી માટી ત્વચાની ઈલાસ્ટિસિટી અને કોષને નાવિન્યકરણ આપે છે. કોષને સુધારવામાં પણ ગુલાબી માટી ખૂબ જ મદદરુપ થાય છે. ગુલાબી માટીમાં મુખ્ય રીતે ઓસ્ટ્રેલિયન માટી, સમુદ્રી શેવાળ અને દાડમ મિક્સ હોય છે. ઓસ્ટ્રેલિયન માટી તમારી ત્વચાને ડિટોક્સીફાઈ અને ચમકદાર બનાવે છે ઉપરાંત મજબૂત બનાવે છે. આ ત્વચાને મુલાયમ અને ચીકણી બનાવે છે જેના કારણે બ્લેકહેડ્સ ઓછા કરવામાં મદદ થાય છે. IANSના ઈનપુટ્સ સાથે.