ઈમરાનની પાર્ટીએ લાહોરમાં શાહબાઝ સરકાર વિરુદ્ધ પ્રદર્શનો શરૂ કર્યા

September 25, 2022

ઈમરાન ખાન પાકિસ્તાનમાં પીએમ શાહબાઝ શરીફ સરકાર પર પ્રહાર કરવાની તક નથી છોડી રહ્યા. આ વખતે ઈમરાન ખાનની પાર્ટી પાકિસ્તાન તહરીક-એ-ઈન્સાફે લાહોરમાં મોંઘવારી, બેરોજગારી, લોડ શેડિંગ, વીજળીના બિલને લઈને મોટા પાયે સરકાર વિરોધ પ્રદર્શન કરી રહ્યા છે. ઈમરાન ખાનની પાર્ટીના કાર્યકર્તાઓ રેલીમાં પાર્ટીના ઝંડા લઈને જઈ રહ્યા હતા. કાર અને મોટરસાઈકલ પર પણ વિરોધ પ્રદર્શન કરવામાં આવ્યા હતા. આ રેલી લિબર્ટી ચોકથી ગવર્નર હાઉસ સુધી નીકળી હતી.

પીટીઆઈના મધ્ય પંજાબના પ્રમુખ યાસ્મીન રશીદે કહ્યું કે શહેબાઝ શરીફની આગેવાની હેઠળની સરકાર જનતાને રાહત આપવામાં નિષ્ફળ રહી છે. અહીંના લોકોને હવે વીજળીનું બિલ ભરવા માટે પણ પોતાનો સામાન વેચવો પડે છે. યાસ્મીન રાશિદે કહ્યું કે "ચોર અને ડાકુઓને" રાહત આપવામાં આવી રહી છે. પીટીઆઈ લાહોરના પ્રમુખ શેખ ઈમ્તિયાઝ અને જનરલ સેક્રેટરી ઝુબેર નિયાઝીએ પણ રેલીને સંબોધી હતી.

હાફિઝ નઈમુર રહેમાને કહ્યું કે શુક્રવારની નમાજ બાદ શહેરમાં મસ્જિદોની બહાર લોકમત યોજવામાં આવશે. શૈક્ષણિક સંસ્થાઓ, બજારો અને અન્ય સાર્વજનિક સ્થળો પર પણ લોકમત યોજવામાં આવશે, જ્યારે ત્રણ દિવસના મત માટે જનતાને જોડવા માટે ઓનલાઈન પ્લેટફોર્મનો પણ ઉપયોગ કરવામાં આવશે.એક અહેવાલ મુજબ, જેઆઈ નેતાએ કહ્યું કે લોકમત અંગે ધાર્મિક વિદ્વાનો, વકીલો, વેપારીઓ, ઉદ્યોગપતિઓ અને મજૂરો સહિત સમાજના તમામ વર્ગોનો સંપર્ક કરવામાં આવશે.