સહયોગી દેશોએ યુક્રેનને અબજો ડોલરના હથિયારો આપવાનું વચન આપ્યું છે
દિલ્હી- USAએ રશિયા સામેના યુદ્ધને નવી ધાર આપવા માટે ગુરૂવારના રોજ યુક્રેનને 2.5 અબજ ડોલરના લશ્કરી સહાય પેકેજની જાહેરાત કરી છે. આ અત્યાર સુધીની બીજી સૌથી મોટી લશ્કરી સહાય છે. તેના દ્વારા રશિયા સામે યુદ્ધ લડવા માટે યુક્રેન મોટા પાયે શસ્ત્રો અને દારૂગોળો ખરીદી શકશે. પેકેજમાં કીવ દ્વારા વિનંતી કરાયેલ યુદ્ધ ટેન્કનો સમાવેશ થતો નથી પરંતુ તેમાં 90 સ્ટ્રાઈકર આર્મર્ડ વાહનો, 59 વધારાના બ્રેડલી ઈન્ફન્ટ્રી ફાઈટિંદ વ્હીકલ, એવેન્જર એર ડિફેન્સ સિસ્ટમ અને નાના હથિયારોની શ્રેણીનો સમાવેશ થાય છે. 

નિવેદનમાં કહેવામાં આવ્યું છે કે, '59 બ્રેડલી IFVs આ પેકેજમાં સામેલ છે. આ અગાઉ 6 જાન્યુઆરીના 50 બ્રેડલીનું વચન આપવામાં આવ્યું હતું. આ ઉપરાંત વધારાના 90 સ્ટ્રાઈકર APCs યુક્રેનને 2 બિગ્રેડ સુધીની સશસ્ત્ર ક્ષમતા પ્રદાન કરશે. 

ગત સપ્તાહે જાહેર કરાયેલા 3 અબજ ડોલરથી વધુના પેકેજમાં પ્રારંભિક 50 બ્રેડલીનો સમાવેશ કરવામાં આવ્યો હતો. નવીનતમ પેકેજ ઉમેરવાથી ફેબ્રુઆરી 2022માં રશિયાના આક્રમણ પછી યુક્રેનને USAની કુલ સહાય 26.7 અબજ ડોલરથી વધુ થઈ ગઈ છે. 

નવી સહાયતામાં  HIMARS રોકેટ સિસ્ટમ માટેનો દારૂગોળો પણ સામેલ છે, જેનો યુક્રેન રશિયન હથિયારોના ડેપો અને કમાન્ડ પોસ્ટ્સ તેમજ હવાઈ સંરક્ષણ માટે વ્યાપકપણે ઉપયોગ કરે છે. રશિયાના નિર્ણાયક ઈન્ફ્રાસ્ટ્રક્ચર સામે યુક્રેનને મજબૂત કરવા અને તાજેતરના હવાઈ હુમલાઓ માટે હવાઈ સંરક્ષણ ક્ષેત્રની ઓળખ કરી છે.