યુએસનો એક વ્યક્તિ વિશ્વનો પ્રથમ વ્યક્તિ બન્યો છે જેણે જીનેટિકલી મોડિફાઇડ પિગનું હાર્ટ ટ્રાન્સપ્લાન્ટ કર્યું છે.ડોકટરોએ કહ્યું છે કે 57 વર્ષીય ડેવિડ બેનેટ બાલ્ટીમોરમાં સાત કલાકની પ્રાયોગિક પ્રક્રિયા પછી ત્રણ દિવસ પછી સ્વસ્થ થઈ રહ્યા છે.

આ ટ્રાન્સપ્લાન્ટ બેનેટની જીવન બચાવવાની છેલ્લી આશા હતી. જો કે, હજુ સુધી એ સ્પષ્ટ નથી થયું કે તેઓના જીવિત રહેવાની શક્યતા ક્યાં સુધી છે. બેનેટે સર્જરીના આગલા દિવસે કહ્યું હતું કે ‘આ ટ્રાન્સપ્લાન્ટ જીવો કે મરો’ જેવું છે. તેણે કહ્યું, “હું જાણું છું કે તે અંધારામાં તીર મારવા જેવું છે. પરંતુ આ મારી છેલ્લી તક છે.” જો બેનેટની આ સર્જરી ન થઈ હોત તો તેનું મૃત્યુ થઈ ગયું હોત. તેના આધારે યુએસ હેલ્થ રેગ્યુલેટર દ્વારા યુનિવર્સિટી ઓફ મેરીલેન્ડ મેડિકલ સેન્ટરના ડોકટરોને આ પ્રક્રિયા માટે વિશેષ છૂટ આપવામાં આવી હતી. આ ટ્રાન્સપ્લાન્ટ કરનાર મેડિકલ ટીમે ઘણા વર્ષોના રિસર્ચના આધારે કર્યું છે. જે દુનિયાના ઘણા લોકોના જીવનને બદલી શકે છે.

યુનિવર્સિટી ઓફ મેરીલેન્ડ સ્કૂલ ઓફ મેડિસિને સર્જન બાર્ટલી પી. ગ્રિફિથને ટાંકીને એક નિવેદનમાં જણાવ્યું હતું કે સર્જરીએ વિશ્વને “અંગોની અછતની કટોકટી ઉકેલવા માટે એક પગલું નજીક લાવી દીધું છે.” યુ.એસ.માં, દરરોજ 17 લોકો મૃત્યુ પામે છે જેઓ ટ્રાન્સપ્લાન્ટની રાહ જોઈ રહ્યા છે અને 1 લાખથી વધુ લોકો ટ્રાન્સપ્લાન્ટ માટે રાહ જોઈ રહેલી યાદીમાં  છે. આ ગેપને ભરવા માટે પ્રાણીઓના અંગોનો ઉપયોગ કરવાની શક્યતા લાંબા સમયથી તપાસવામાં આવી રહી છે અને તેને ઝેનોટ્રાન્સપ્લાન્ટેશન કહેવામાં આવે છે. પિગના હાર્ટ વાલ્વનો ઉપયોગ હવે સામાન્ય બની ગયો છે.

ઑક્ટોબર 2021માં, ન્યુ યોર્કના સર્જનોએ જાહેરાત કરી કે તેઓએ એક વ્યક્તિમાં ડુક્કરની કિડની સફળતાપૂર્વક ટ્રાન્સપ્લાન્ટ કરી છે. તે સમયે આ ઓપરેશન આ વિસ્તારમાં સૌથી અદ્યતન પ્રયોગ હતો. જો કે, તે સમયે જે વ્યક્તિમાં તેનું ટ્રાન્સપ્લાન્ટ કરવામાં આવ્યું હતું તે બ્રેઈન ડેડ હતો અને તેના સાજા થવાની કોઈ આશા નહોતી.