ખગોળ વિજ્ઞાન માટે 13 ઓક્ટોબરની રાત ખૂબ જ ખાસ રહેશે. આજે રાત્રે લાલ ગ્રહ મંગળ પૂર્વ દિશામાં સરળતાથી જોવા મળશે. આજે માર્સ એટ અપોઝિશનની ઘટના પણ બની રહી છે. તેનો અર્થ એવો છે કે સૂર્ય, પૃથ્વી અને મંગળ આ ત્રણેય ગ્રહ એકસાથે સીધી લાઇનમાં આવી જશે.

આજે સૂર્યાસ્ત પછી પૂર્વ દિશામાં લાલ ગ્રહ મંગળ સરળતાથી જોવા મળશે. મંગળ અને પૃથ્વી વચ્ચેનું અંતર ખૂબ જ ઓછું રહેશે. તેથી મંગળ ગ્રહ 6 કરોડ 20 લાખ કિમીના અંતરે સ્થિત રહેશે. જેના કારણે આજે રાતે મંગળ ગ્રહ વધારે મોટો અને લાલ જોવા મળશે. 2020 પછી 11 સપ્ટેમ્બરના રોજ 2035ના રોજ મંગળ ગ્રહ વધારે નજીક આવશે. તે સમયે મંગળ અને પૃથ્વી વચ્ચેનું અંતર ઘટીને 5 કરોડ 69 લાખ કિમી રહી જશે. તે સમયે પણ મંગળ વધારે મોટો અને લાલ જોવા મળશે.

દર 26 મહિને મંગળ-પૃથ્વી નજીક આવે છે
મંગળ અને પૃથ્વી બંનેની વચ્ચેનું અંતર દર 26 મહિનામાં સામાન્ય અંતરથી ખૂબ જ ઓછું થઇ જાય છે. એવું એટલાં માટે થાય છે કે, આ બંને ગ્રહ અંડાકાર માર્ગ પર સૂર્યની પરિક્રમા કરે છે. સાથે જ, આ બંને ગ્રહ પોતાની કક્ષામાં થોડી ડિગ્રી નમેલાં હોય છે. જેના કારણે બંને ગ્રહોની વચ્ચેનું અંતર વધ-ઘટ થતું રહે છે.