ખારકિવ : રશિયા-યૂક્રેન યુદ્ધ વકરી રહ્યું છે. રશિયન મીડિયાના એક અહેવાલ મુજબ રશિયાએ બ્રાંસ્ક ક્ષેત્રમાં યૂક્રેન સરહદ નજીક રશિયાના ચાર યુદ્ધ વિમાન તોડી પાડયા છે. બ્રાંસ્ક ક્ષેત્રમાં રશિયાનું એક સુખોઇ એસયુ-34 ફાઇટર બોમ્બર, એક એસયુ-35 ફાઇટર અને બે એમઆઇ-8 હેલિકોપ્ટર યૂક્રેન સરહદ નજીક હવામાં જ ફૂંકી મરાયા હતા. આ ચારેય યુદ્ધ વિમાનો યૂક્રેનના ચેર્નિહાઇવ ક્ષેત્રમાં લક્ષ્ય પર મિસાઇલ અને બોમ્બથી હુમલા કરવાના હતા. આ વ્યૂહરચના અંતર્ગત હેલિકોપ્ટર સુખોઇ યુદ્ધ વિમાનના ક્રૂ મેમ્બર્સને લેવા ગયા હતા ત્યારે જ તેમને તોડી પાડવામાં આવ્યા.

કેટલાક સૈન્ય બ્લોગર્સ દ્વારા પણ આ દાવો કરાયો છે. જોકે રશિયાના સંરક્ષણ મંત્રાલય કે યૂક્રેન તરફથી હજુ સુધી કોઇ સત્તાવાર પ્રતિક્રિયા નથી આવી. યૂક્રેન સામાન્ય રીતે રશિયન ક્ષેત્રમાં હુમલાના અહેવાલો અંગે ટિપ્પણી કરવાનું ટાળતું આવ્યું છે. બીજી તરફ યૂક્રેન સમર્થક સોશિયલ મીડિયામાં રશિયાના ચાર યુદ્ધ વિમાન તોડી પડાયાના સમાચાર છવાયા હતા.