નવીદિલ્હીઃ અમેરીકામાં નવા રાષ્ટ્રપતિ જો બિડેનના શપથગ્રહણ પહેલાં સુપ્રીમ કોર્ટમાં બોંબ ધમાકાની ધમકીથી અફરાતફરી મચી છે. જે બાદ સુપ્રીમ કોર્ટની ઈમારતમાં તપાસ હાથ ધરવામાં આવી. જોકે તલાશીમાં સુરક્ષાદળોને પણ હજુ સુધી કંઈ મળ્યું નથી. કોર્ટના પ્રવક્તા કાથલીન અરબેર્ગે કહ્યું કે, કોર્ટને બોંબની ધમકી આપવામાં આવી, ઈમારત અને મેદાનમાં તપાસ કરવામાં આવી છે. ઈમારતને ખાલી નથી કરવામાં આવી રહી. નોંધનીય છે કે કોર્ટ અમેરીકન સંસદ પાસે જ છે. જ્યાં શપથગ્રહણ કરવામાં આવશે. ઉલ્લેખનિય છે કે, 6 જાન્યુઆરીની હિંસા બાદ અમેરીકન રાજધાનીને હાઈ એલર્ટ પર રાખવામાં આવી છે. US કેપિટલમાં 25 હજારથી વધારે  સૈનિકો તૈનાત કરવામાં આવ્યા છે. સુરક્ષા વ્યવસ્થાનો ચાંપતો બંદોબસ્ત ગોઠવવામાં આવ્યો છે.