વેક્સિન ફાઈઝરને મંજૂરી, આગામી સપ્તાહથી ડોઝ મળશે

December 03, 2020

લંડન : બ્રિટન પહેલો એવો પશ્ચિમી દેશ છે કે જેણે કોવિડ -૧૯ માટે કોઈ રસીને લાઈસન્સ આપ્યુ છે. આની સાથે જે લોકોને ચેપ લાગવાનું જોખમ વધારે છે તેમને આવતા અઠવાડિયાથી ફાઈઝર/બાયોનટેકની રસી આપવામાં આવશે. આ રસીને મેડિસીન્સ અને હેલ્થકેર પ્રોડક્ટ્સ રેગ્યુલેટરી ઓથોરિટી (એમએચઆરએ) દ્વારા મંજૂરી આપવામાં આવી છે. એમએચઆરએને વિશેષ નિયમો હેઠળ ૧ જાન્યુઆરી પહેલા રસીને મંજૂરી આપવાનો અધિકાર આપવામાં આવ્યો હતો. ફાઈઝર રસી છેલ્લી ટ્રાયલમાં ૯૫% અસરકારક હોવાનું જણાયું હતું. કંપનીએ જણાવ્યું છે કે, રસીનો પ્રથમ ડોઝ આગામી દિવસોમાં પહોંચાડવામાં આવશે. યુકેએ ૪ કરોડ ડોઝ ખરીદ્યા છે. કંપનીના અધ્યક્ષ આલ્બર્ટ બોર્લાએ કહ્યું કે, 'બ્રિટનમાં આજે ઇમરજન્સી ઉપયોગ માટે રસીની પરવાનગી મેળવવી એ કોવિડ સામેની લડતમાં ઐતિહાસિક તક છે.' મોડર્નાની રસી પણ એ જ એમઆરએનએ તકનીક પર આધારિત છે જે ફાઇઝર રસી છે. કંપનીએ દાવો કર્યો છે કે તેની રસી છેલ્લા તબક્કાના પ્રારંભિક ડેટામાં ૯૪.૫% અસરકારક હોવાનું જણાયું છે. મોડર્નાની રસીથી યુવાન લોકો તેમજ વૃદ્ધ લોકોમાં એન્ટિબોડીઝ પેદા કરી જેણે વાયરસ સામે એક્શન લીધી. અગાઉ ઓક્સફર્ડ યુનિવર્સિટી અને એસ્ટ્રાઝેનેકાની વેક્સીનના ટ્રાયલ લીડર પ્રોફેસર એન્ડ્રિયુ પોલાર્ડ દાવો કર્યો હતો કે તે તેમની રસી ફાઇઝર કરતા ૧૦ ગણા સસ્તી હશે. ખરેખર, ફાઈઝર રસીને -૭૦ ડિગ્રીમાં રાખવી પડશે અને થોડા અઠવાડિયાના અંતરે બે ઇન્જેક્શન લગાવવા પડશે. જ્યારે ઓક્સફર્ડ રસીને ફ્રિજના તાપમાન પર રાખવી પડે છે.