હુમલામાં ત્રણ રહેણાંક મકાનોને નુકસાન, મૉસ્કો પર ડ્રોન હુમલો

રશિયાએ તાજેતરમાં જ યુક્રેન પર 2000 ડ્રોન અને મિસાઈલથી હુમલો કર્યો હતો, જેનો યુક્રેને આજે વળતો જવાબ આપ્યો છે. યુક્રેને આજે રશિયાની રાજધાની મૉસ્કોમાં ડ્રોન અને મિસાઈલો ઝિંકી છે, જેમાં એક ભારતીય સહિત ત્રણના મોત અને 12 લોકોને ઈજા થઈ છે.

મીડિયો રિપોર્ટ મુજબ, યુક્રેને રવિવારે સવારે મૉસ્કો પર ડ્રોનથી હુમલો કર્યો હતો. ત્યારપછી રશિયામાં ભારતીય દૂતાવાસે કહ્યું છે કે, આ હુમલામાં એક ભારતીય શ્રમિકનું મોત થયું છે, જ્યારે ત્રણ ભારતીયો પણ ઈજાગ્રસ્ત થયા છે. ઈજાગ્રસ્તોની હોસ્પિટલમાં સારવાર ચાલી રહી છે. દૂતાવાસના અધિકારીઓએ તાત્કાલીક ઘટનાસ્થળની અને ઈજાગ્રસ્ત શ્રમિકની પણ મુલાકાત લીધી છે. બીજીતરફ રશિયન અધિકારીઓએ કહ્યું કે, યુક્રેને આખી રાત હુમલા કર્યા હતા, જેમાં ઓછામાં ઓછા ત્રણ લોકોના મોત અને 12થી વધુ ઈજાગ્રસ્ત થયા છે. મૉસ્કોના મેયર સર્ગેઈ સોબયાનિને કહ્યું કે, હુમલામાં મોસ્કોની તેલ રિફાઈનરીને કોઈ નુકસાન થયું નથી, જોકે ત્રણ રહેણાંક મકાનોને નુકસાન થયું છે. રશિયન સેનાએ છેલ્લા 24 કલાકમાં 120થી વધુ યુક્રેનિયન ડ્રોન તોડી પાડ્યા છે. રશિયન સંરક્ષણ મંત્રાલયે દાવો કર્યો છે કે, યુક્રેને મોસ્કો સહિત અનેક રાજ્યો પર આખી રાત હુમલા કર્યા હતા, જોકે અમે તેઓને 556 ડ્રોન તોડી પાડ્યા છે.