અમેરિકામાં ગેંગસ્ટરને પકડવા ગયેલી પોલીસ પર અંધાધૂંધ ફાયરિંગ, 3 અધિકારીનાં મોતથી ખળભળાટ
April 30, 2024
અમેરિકામાં ફરી એકવાર ફાયરિંગની ઘટનાએ ખળભળાટ મચાવી દીધો છે. નોર્થ કેરોલિનામાં વોન્ટેડ ક્રિમિનલ્સને પકડવા માટે વોરંટ બજાવવા ગયેલા પોલીસ અધિકારીઓ પર અંધાધૂંધ ગોળીબારની ઘટના બની હતી જેમાં ત્રણ અધિકારીઓ માર્યા ગયા હતા. ફાયરિંગની આ ઘટનામાં અન્ય ચાર લોકો ઘાયલ પણ થયા છે. પોલીસે જણાવ્યું હતું કે આ તમામ પોલીસ અધિકારીઓ હથિયાર રાખવાના આરોપમાં વોન્ટેડ ગુનેગારનું વોરંટ બજાવવા ગયા હતા.
ચાર્લોટ-મેક્લેનબર્ગ પોલીસના વડા જોની જેનિંગ્સે જણાવ્યું હતું કે જ્યારે અમેરિકાની માર્શલ્સ ટાસ્ક ફોર્સના અધિકારીઓ વોરંટ સાથે શંકાસ્પદના ઘરે પહોંચ્યા ત્યારે આ ગોળીબારની ઘટના બની હતી. ઘટનામાં ચાર પોલીસ અધિકારીઓ ઘાયલ થયા હતા. જ્યારે અન્ય પોલીસ અધિકારીઓ તેમને બચાવવા પહોંચ્યા ત્યારે બીજા શંકાસ્પદ હુમલાખોરે તેમના પર પણ ગોળીબાર કર્યો હતો, જેમાં ત્રણ પોલીસ અધિકારીઓનાં મોત થયા. પોલીસે એક હુમલાખોરને પણ ઠાર માર્યો હતો.
પોલીસ વડાએ કહ્યું કે આજે અમે કેટલાક નાયકોને ગુમાવી દીધા. જેનિંગ્સે કહ્યું કે ગોળીબારની ઘટના બાદ ઘરમાં એક મહિલા અને 17 વર્ષીય એક વ્યક્તિ મૃત અવસ્થામાં મળી આવ્યો હતો. બંનેની પૂછપરછ કરવામાં આવી રહી છે. અમેરિકન માર્શલ્સ સર્વિસે સોશિયલ મીડિયા પર એક પોસ્ટમાં પુષ્ટિ કરી છે કે ઉત્તર કેરોલિનાના ચાર્લોટમાં એક ભાગેડુ ગુનેગારને પકડવા માટેના ઓપરેશન દરમિયાન ડેપ્યુટી યુએસ માર્શલની ગોળી મારીને હત્યા કરવામાં આવી છે. અન્ય કેટલાક માર્શલ્સ સર્વિસ ટાસ્ક ફોર્સના સભ્યો અને સ્થાનિક અધિકારીઓને પણ ગોળી મારી દેવામાં આવી હતી.
Related Articles
કોવિડ-19 પાછો આવ્યો ? સિંગાપુરમાં 25,900 કેસ : માસ્ક પહેરવો ફરજીયાત કરાયો
કોવિડ-19 પાછો આવ્યો ? સિંગાપુરમાં 25,900...
તે પ્રાઈમ મિનિસ્ટર નથી ક્રાઈમ મિનિસ્ટર છે નેતન્યાહૂ સામે ઇઝરાયેલમાં જાગેલો વિરોધ વંટોળ
તે પ્રાઈમ મિનિસ્ટર નથી ક્રાઈમ મિનિસ્ટર છ...
May 20, 2024
ઇરાનના પ્રમુખ ઇબ્રાહિમ રઈસીનું હેલિકોપ્ટર દુર્ઘટનામાં થયું મોત, વિદેશ મંત્રીએ પણ જીવ ગુમાવ્યો
ઇરાનના પ્રમુખ ઇબ્રાહિમ રઈસીનું હેલિકોપ્ટ...
May 20, 2024
USના વિઝા મેળવવા લૂંટનું તરકટ, 4 ગુજરાતી સહિત 6 સામે આરોપ
USના વિઝા મેળવવા લૂંટનું તરકટ, 4 ગુજરાતી...
May 19, 2024
ઈરાનના રાષ્ટ્રપતિ ઇબ્રાહિમ રઈસીનું હેલિકોપ્ટર ક્રેશ બાદ મળી રહ્યું નથી
ઈરાનના રાષ્ટ્રપતિ ઇબ્રાહિમ રઈસીનું હેલિક...
May 19, 2024
ગાઝામાં જીવ ગુમાવનાર કર્નલને અંતિમ સન્માન, મૃતદેહને સ્વદેશ લવાશે
ગાઝામાં જીવ ગુમાવનાર કર્નલને અંતિમ સન્મા...
May 18, 2024
Trending NEWS
20 May, 2024
19 May, 2024
May 20, 2024