અમદાવાદ જિલ્લાના ધોળકા શહેરમાંથી અત્યંત શરમનાક ઘટના સામે આવી છે. પોલીસે એક સરકારી શાળાના કમ્પ્યુટર રૂમમાં 13 વર્ષીય સગીર વિદ્યાર્થીને અડપલાં કરવાના ગંભીર આરોપમાં 49 વર્ષીય સરકારી શાળાના શિક્ષકની ધરપકડ કરી છે. કામાંધ બનેલા શિક્ષકે આ ઘટના અંગે કોઈને જાણ કરવા પર સગીરને જાનથી મારી નાખવાની ધમકી પણ આપી હતી.

મળતી માહિતી અનુસાર, ધોળકા શહેરમાં આવેલી સરકારી શાળામાં શિક્ષક તરીકે ફરજ બજાવતો 49 વર્ષીય વિજયકુમાર સોલંકીએ 17મી જૂનના રોજ 13 વર્ષીય વિદ્યાર્થીને ચાવી લાવવાના બહાને સ્કૂલના કમ્પ્યુટર રૂમમાં લલચાવીને લઈ ગયો હતો. રૂમની અંદર જઈ નરાધમ શિક્ષકે વિદ્યાર્થી સાથે અડપલાં શરૂ કરી તેનું જાતીય શોષણ કરવાનો પ્રયાસ કર્યો હતો. જોકે, ભયભીત થયેલો સગીર ગમે તેમ કરીને શિક્ષકની પકડમાંથી છટકીને ભાગી નીકળ્યો હતો.