અમેરિકાના ટેનેસી પ્રાંતમાં રવિવારે સવારે વધુ એક વિમાન દુર્ઘટનાગ્રસ્ત થયું હતું. આ ઘટના તુલ્લાહોમામાં બીચક્રાફ્ટ મ્યુઝિયમ પાસે બની હતી. વિમાનમાં 16-20 મુસાફરો સવાર હતા. અકસ્માત બાદ હાઈવે પેટ્રોલ પોલીસની ટીમ ઘટનાસ્થળે પહોંચી અને ઘાયલોને હોસ્પિટલમાં સારવાર અર્થ ખસેડીયા હતા . કેટલાક ગંભીર રીતે ઘાયલોને નજીકની હોસ્પિટલમાં દાખલ કરવામાં આવ્યા છે.

અધિકારીઓના જણાવ્યા અનુસાર, આ અકસ્માત રવિવારે બપોરે 12:45 વાગ્યે તુલ્લાહોમામાં બીચક્રાફ્ટ મ્યુઝિયમ નજીક ઓલ્ડ શેલ્બીવિલે રોડ નજીક થયો હતો. માહિતી આપતાં, ટેનેસી હાઈવે પેટ્રોલ ટીમે જણાવ્યું હતું કે વિમાનમાં 16-20 લોકો સવાર હતા. કેટલાક લોકોને હોસ્પિટલમાં લઈ જવામાં આવ્યા છે. FAA એ અકસ્માતની પુષ્ટિ કરી હતી અને કહ્યું હતું કે વિમાનમાં 20 લોકો સવાર હતા. વિમાનની ઓળખ ડી હેવિલેન્ડ કેનેડા DHC-6 તરીકે કરવામાં આવી છે.