યુક્રેને રશિયાના બે મહત્વપૂર્ણ હવાઈ મથકો ઓલેન્યા અને બેલાયા પર હુમલો કર્યો છે. યુક્રેનિયન સેનાએ આ હુમલામાં ડ્રોનનો ઉપયોગ કર્યો છે. માહિતી સામે આવી છે કે, જે હવાઈ મથકોને નિશાન બનાવવામાં આવ્યા છે તે રશિયા-યુક્રેન સરહદની અંદર સ્થિત છે. યુક્રેનિયન મીડિયા રિપોર્ટ્સ અનુસાર, યુક્રેનિયન સેના દ્વારા અત્યાર સુધીનો સૌથી મોટો ડ્રોન હુમલો હતો. યુક્રેને ખાસ કરીને તે હવાઈ મથકને નિશાન બનાવ્યું છે જેનો ઉપયોગ રશિયા બોમ્બમારો કરવા માટે કરી રહ્યું હતું.

યુક્રેને કહ્યું છે કે તેણે રશિયાની અંદર સ્થિત અનેક હવાઈ મથકો પર ડ્રોનથી હુમલો કર્યો છે જેમાં 40થી વધુ રશિયન બોમ્બરા વિમાનનો નાશ કર્યો છે. જેનો ઉપયોગ રશિયા યુક્રેન પર બોમ્બમારો કરવા માટે કરી રહ્યું હતું. યુક્રેન કહે છે કે આ એ જ વિમાનો છે જે ઘણીવાર યુક્રેન ઉપર ઉડે છે અને બોમ્બ ફેંકે છે. યુક્રેનની સુરક્ષા સેવા (SBU)ના એક અધિકારીએ જણાવ્યું હતું કે તેમના ડ્રોન રશિયન ક્ષેત્રમાં ઊંડાણમાં જવા અને Tu-95, Tu-22 અને મોંઘા અને દુર્લભ A-50 જાસૂસી વિમાન જેવા મોટા બોમ્બરોને નુકસાન પહોંચાડવામાં સફળ રહ્યા છે.