ઓટો એક્સપો 2023 ગ્રેટર નોઈડામાં ગોલ્ફ કોર્સની પાસે ઈન્ડિયા એક્સપો માર્ટમાં શરૂ થઇ ગયો છે. 16મી આવૃત્તિનું આયોજન 'ધ મોટર શો' નામથી કરવામાં આવી રહ્યું છે. આ કાર્યક્રમમાં સૌથી વધુ આકર્ષણનું કેન્દ્ર મારુતિ છે. મારુતિએ તેની પ્રથમ ઇલેક્ટ્રિક SUV કોન્સેપ્ટ EVXનું લોન્ચ કરી છે.

શોના પહેલા દિવસે કિંગ ખાન એટલે કે શાહરુખ ખાને હ્યુન્ડાઇની ઇલેક્ટ્રિક SUV આયનિક-5 લોન્ચ કરી છે. ભારતની બીજી સૌથી મોટી કાર ઉત્પાદક હ્યુન્ડાઈ મોટર્સની આ પ્રીમિયમ કારમાં 72.6 KwH બેટરી પેક છે. આ બેટરી 214BHPનો પાવર અને 350Nmનો ટોર્ક જનરેટ કરે છે. ફુલ ચાર્જ પર આ SUV 631 કિમીની રેન્જ આપે છે. 

કંપનીનું જણાવ્યું છે કે, આયનિક-5 ફક્ત 18 મિનિટમાં 80% સુધી ચાર્જ થઈ શકે છે. આ માટે 350kW ડીસી ચાર્જરનો ઉપયોગ કરવામાં આવશે. કંપનીએ કારની શરૂઆતી કિંમત 44.95 લાખ રૂપિયા રાખી છે, જેમાં વધારો થઇ શકે છે.

ઓટો એક્સપોમાં મારુતિ વેગન-Rનું ફ્લેક્સ ફ્યુઅલ પ્રોટોટાઇપ વર્ઝન લોન્ચ કર્યું છે. આ કાર E85 ઈંધણ પર ચાલી શકે છે. આ પ્રકારની ગાડીઓ 20% થી 85% સુધીના ઇથેનોલ મિશ્રણ પર ચલાવવા માટે વિકસાવવામાં આવી છે.