ભાજપના 6 વખતના સાંસદને 'વિવાદ' પડી રહ્યો છે ભારે! પત્તું કપાવાની અટકળો વચ્ચે ઠાલવી વ્યથા
April 24, 2024
ભાજપ (BJP) ઉત્તર પ્રદેશમાં લોકસભાની 80માંથી 75 બેઠકો પર ચૂંટણી લડી રહ્યો છે. ભાજપે તેના ક્વોટાની 75માંથી 73 બેઠકો પર ઉમેદવારોના નામની જાહેરાત કરી દીધી છે, પરંતુ પાર્ટીએ હજુ બે બેઠકો પર પત્તા ખોલ્યા નથી. આ બે બેઠકો રાયબરેલી અને કૈસરગંજ છે. 2019 માં કોંગ્રેસ અને ગાંધી પરિવારના ગઢ ગણાતા રાયબરેલીથી સોનિયા ગાંધી જીતીને સંસદમાં પહોંચ્યા હતા, જ્યારે કૈસરગંજથી ભાજપની ટિકિટ પર બ્રિજભૂષણ શરણ સિંહ સતત ત્રીજી વખત જીતવામાં સફળ રહ્યા હતા. જોકે એક હારેલી અને એક જીતેલી આ બે બેઠકો પર ભાજપના ઉમેદવારને લઈને હજુ સસ્પેન્સ યથાવત્ છે. આ બંને બેઠકો પર પાંચમા તબક્કામાં 20 મેના રોજ મતદાન થવાનું છે. હવે કૈસરગંજ સીટ પરથી ઉમેદવારની જાહેરાત કરવામાં વિલંબને લઈને બ્રિજભૂષણનું નિવેદન પણ સામે આવ્યું છે. કૈસરગંજ સીટથી ત્રણ વખતના સાંસદ અને રેસલિંગ ફેડરેશન ઓફ ઈન્ડિયા (WFI)ના પૂર્વ પ્રમુખ બ્રિજભૂષણ શરણ સિંહે કહ્યું છે કે પાર્ટી નેતૃત્વ જાણે છે કે આ સીટ પર ભાજપ મજબૂત છે. તેમણે દાવો કર્યો હતો કે જો ભાજપ તેના ઉમેદવારની જાહેરાત એક દિવસ પહેલા કરે તો પણ પાર્ટી આ બેઠક પરથી જીતશે. બ્રિજભૂષણે એમ પણ કહ્યું કે હું પણ ટિકિટનો દાવેદાર છું પરંતુ અંતિમ નિર્ણય પાર્ટીએ લેવાનો છે. ઉમેદવાર કોણ હશે તે પક્ષ નક્કી કરશે. અગાઉ બ્રિજભૂષણે કહ્યું હતું કે ટિકિટમાં વિલંબ પાછળ પાર્ટીની કોઈ રણનીતિ હોઈ શકે છે. હું ભાજપથી મોટો નથી. ટિકિટ મળે કે ન મળે એ મારી ચિંતા નથી. ઉલ્લેખનીય છે કે અલગ-અલગ બેઠકો પરથી છ વખત સાંસદ રહી ચૂકેલા બ્રિજભૂષણ ટિકિટની જાહેરાતમાં વિલંબ થવા છતાં વિસ્તારમાં સક્રિય છે. બ્રિજભૂષણની ટિકિટ કાપવાની અટકળો ચાલી રહી છે, પરંતુ એવી પણ ચર્ચા છે કે જો આમ થાય તો પણ ભાજપ બ્રિજભૂષણના પરિવારના કોઇ સભ્યને મેદાનમાં ઉતારી શકે છે. તેમના પુત્ર અને પત્નીના નામ પણ ભાજપમાંથી ટિકિટની રેસમાં હોવાનું કહેવાય છે. આ પહેલીવાર છે જ્યારે બ્રિજભૂષણને ટિકિટ માટે આટલી લાંબી રાહ જોવી પડી હોય. ભાજપે અત્યાર સુધીમાં 400 થી વધુ ઉમેદવારોના નામ જાહેર કર્યા છે પરંતુ કૈસરગંજ સીટ પરથી કોઈ નામ ફાઈનલ નથી થયું.
Related Articles
ત્રીજા તબક્કામાં 13 રાજ્યની 95 બેઠક પર થશે મતદાન
ત્રીજા તબક્કામાં 13 રાજ્યની 95 બેઠક પર થ...
દેશના 140 કરોડ લોકોની સેવા જ મારી સાચી ઊર્જા : વડાપ્રધાન મોદી
દેશના 140 કરોડ લોકોની સેવા જ મારી સાચી ઊ...
May 05, 2024
રાધિકા ખેડાનું રાજીનામું, કહ્યું- અયોધ્યા દર્શન કરવા ગયા હોવાથી વિરોધ થતો હતો
રાધિકા ખેડાનું રાજીનામું, કહ્યું- અયોધ્ય...
May 05, 2024
તૂર્કેઈના જહાજની માલદીવમાં એન્ટ્રીથી ભારતનું ટેન્શન વધ્યું
તૂર્કેઈના જહાજની માલદીવમાં એન્ટ્રીથી ભાર...
May 04, 2024
ચૂંટણી ટાણે કોંગ્રેસને ફટકો, અરવિંદર સિંહ લવલી સહિત ઘણા નેતા ભાજપમાં જોડાયા
ચૂંટણી ટાણે કોંગ્રેસને ફટકો, અરવિંદર સિં...
May 04, 2024
મોદીના નિવેદનથી પવાર નારાજ, કહ્યું- ‘હું તેમની વ્યક્તિગત બાબતો પર બોલવા માંગતો નથી’
મોદીના નિવેદનથી પવાર નારાજ, કહ્યું- ‘હું...
May 04, 2024
Trending NEWS
આ વખતે ભરૂચની જનતા ઈતિહાસ લખશે - ભગવંત માન
04 May, 2024
પ.બંગાળના રાજ્યપાલ સામે ચોંકાવનારા આરોપ, રાજભવનની...
04 May, 2024
'55 હજાર રોકડ, ભાગીદારીમાં જમીન, કાર-ફ્લેટ નથી..'...
04 May, 2024
May 05, 2024