ઈઝરાયલ સાથેની ડીલનો વિરોધ કરનારા વધુ 20 કર્મચારીઓની ગૂગલે હકાલપટ્ટી કરી
April 24, 2024
દિગ્ગજ ટેક કંપની ગૂગલે ઈઝરાયલ સાથેની ડીલનો વિરોધ કરનારા વધુ 20 કર્મચારીઓની હકાલપટ્ટી કરી છે. અત્યાર સુધીમાં ગૂગલે આ મુદ્દા પર નોકરીમાંથી કાઢી મુકેલા કર્મચારીઓની સંખ્યા હવે 48 પર પહોંચી છે. ગૂગલે ગત સપ્તાહે 28 કર્મચારીઓને સામૂહિક પાણીચુ પકડાવી દીધુ હતુ. ગૂગલે ઈઝરાયેલ સાથે 1.2 અબજ ડોલરના એક ડિફેન્સ પ્રોજેકટ પર ડીલ કરી છે. જેની સામે ઈઝરાયેલ વિરોધી કર્મચારીઓ વિરોધ કરી રહ્યા છે. ગૂગલના સિક્યુરિટી ચીફ રેકોએ કર્મચારીઓ દ્વારા થતા દેખાવોને બીજા કર્મચારીઓ માટે જોખમરુપ અને તકલીફજનક ગણાવ્યા હતા. ગૂગલ સીઈઓ સુંદર પિચાઈએ પણ કહ્યુ છે કે, 'ગૂગલની કર્મચારીઓ માટેની નીતિ એક બીજા સાથે જાહેરમાં સંવાદ કરવાની સંસ્કૃતિને પ્રોત્સાહન આપવાની છે. જેના કારણે કંપની એક એકથી ચઢિયાતી પ્રોડક્ટસ બનાવી ચુકી છે અને બનાવી રહી છે તેમજ જે પણ સારા વિચારો છે તેને અમલમાં મુકવામાં પણ સફળ થઈ છે.' ગૂગલની ન્યૂયોર્ક તેમજ કેલિફોર્નિયા ખાતેની ઓફિસોમાં કેટલાક કર્મચારીઓ ઈઝરાયેલ સાથે કંપનીએ કરેલા સોદાનો વિરોધ કરી રહ્યા છે. આ કર્મચારીઓ રંગભેદ વિરોધી આંદોલન કરતા ગૂગલના એક આંતરિક સંગઠનના સભ્યો છે. આ સંગઠન કંપનીના નિર્ણયોનો જાહેરમાં વિરોધ કરી રહ્યુ છે. તાજેતરમાં કર્મચારીઓ કંપનીની અંદર જ ગૂગલ સામે દેખાવો કરીને પોતાના ઉપરી અધિકારીઓની કેબીન સુધી પહોંચી ગયા હતા અને એ પછી પોલીસને બોલાવવી પડી હતી. કર્મચારીઓએ કહ્યુ છે કે, 'ગાઝામાં ઈઝરાયેલ 200 દિવસથી લશ્કરી કાર્યવાહી કરી રહ્યુ છે ત્યારે અમેરિકાની ટેકનોલોજી કંપનીઓ ઈઝરાયેલનુ સમર્થન કરી રહી છે તે યોગ્ય નથી.' દરમિયાન કંપનીના કર્મચારીઓના દેખાવોનો એક વિડિયો પણ વાયરલ થયો છે. જેમાં કર્મચારીઓને કલાકો સુધી ઉપરી અધિકારીની કેબિનનો ઘેરાવો કરતા જોઈ શકાય છે.
Related Articles
શું ચીન તાઈવાન પર કબજો કરી લેશે? આકાશમાં ચીનના સાત ફાઈટર જેટનું પેટ્રોલિંગ અને દરિયામાં પાંચ યુદ્ધજહાજ તહેનાત
શું ચીન તાઈવાન પર કબજો કરી લેશે? આકાશમાં...
હમાસની માંગ સામે ઘૂંટણ ટેકવીશું તો અમારી હાર ગણાશે, ઈઝરાયલના વડાપ્રધાન નેતાન્યાહૂની સ્પષ્ટ વાત
હમાસની માંગ સામે ઘૂંટણ ટેકવીશું તો અમારી...
May 06, 2024
હમાસના આતંકીઓ દ્વારા પેલેસ્ટાઇનની બેન્કમાંથી 580 કરોડ રૂપિયાની લૂંટ
હમાસના આતંકીઓ દ્વારા પેલેસ્ટાઇનની બેન્કમ...
May 06, 2024
ઓસ્ટ્રેલિયન મહિલા સાંસદને ડ્રગ્સ આપી જાતીય શોષણ કરાયું, નાઈટ આઉટ દરમિયાન ઘટના બની
ઓસ્ટ્રેલિયન મહિલા સાંસદને ડ્રગ્સ આપી જાત...
May 06, 2024
બાલ્ટિમોર બ્રિજ અકસ્માતના 35 દિવસ છતાં જહાજ પર 20 ભારતીયો ફસાયા
બાલ્ટિમોર બ્રિજ અકસ્માતના 35 દિવસ છતાં જ...
May 06, 2024
કેન્યામાં ભારે વરસાદ બાદ સાર્વત્રિક વિનાશ : 228 લોકોનાં મોત, 164 ઘાયલ
કેન્યામાં ભારે વરસાદ બાદ સાર્વત્રિક વિના...
May 06, 2024
Trending NEWS
બાલ્ટિમોર બ્રિજ અકસ્માતના 35 દિવસ છતાં જહાજ પર 20...
06 May, 2024
May 06, 2024