બ્રાઝિલના મિનાસ જેરાઈસ રાજ્યના બ્રેલો હોરિઝોન્ટો શહેરમાં એક ભયાનક વિમાન દુર્ઘટના સર્જાઈ છે. સોમવારે એક નાનું વિમાન કન્ટ્રોલ ગુમાવીને સીધું એક ત્રણ માળની રહેણાંક બિલ્ડિંગ સાથે ટકરાતા 3 લોકોના કરુણ મોત થયા છે. આ ઘટનાનો વીડિયો સોશિયલ મીડિયા પર વાયરલ થયો છે, જે જોઈને લોકોને અમેરિકાના 9/11 હુમલાની યાદ આવી ગઈ હતી. રિપોર્ટ અનુસાર, વિમાન હવામાં ધીમે-ધીમે નીચે આવી રહ્યું હતું અને ઊંચી બિલ્ડિંગથી બચવા માટે ડાબી તરફ વળ્યું હતું, પરંતુ અંતે તે એક બિલ્ડિંગના સ્ટેયરવેલ સાથે ટકરાઈને પાર્કિંગમાં ખાબક્યું હતું.

આ ટક્કર બાદ સમગ્ર વિસ્તારમાં ધુમાડાના ગોટા ઉડ્યા હતા અને લોકોમાં ભારે નાસભાગ તથા બૂમાબૂમ મચી ગઈ હતી. આ દુર્ઘટનામાં વિમાનના પાયલટ અને કો-પાયલટનું ઘટનાસ્થળે જ મોત નીપજ્યું હતું. વિમાનમાં સવાર અન્ય 3 મુસાફરોને ગંભીર હાલતમાં હોસ્પિટલ ખસેડવામાં આવ્યા હતા, જેમાંથી એક વ્યક્તિનું સારવાર દરમિયાન મોત થયું હતું, જ્યારે અન્ય 2 લોકોની હાલત હાલ સ્થિર હોવાનું જાણવા મળ્યું છે.

સદનસીબે, વિમાન બિલ્ડિંગના સીડીવાળા ભાગ સાથે ટકરાયું હોવાથી ફ્લેટની અંદર રહેલા કોઈ પણ વ્યક્તિને ઈજા પહોંચી નથી. ફાયર વિભાગના અધિકારીઓના જણાવ્યા અનુસાર, જો વિમાન સીધું ફ્લેટ સાથે ટકરાયું હોત તો જાનહાનિનો આંકડો ઘણો મોટો હોત. મિડલ ઈસ્ટ સંઘર્ષમાં હોર્મુઝમાં USના હુમલામાં 5ના મોતનો દાવો કરાયો છે અને UAE પર ડ્રોન એટેક બાદ બહેરીનમાં ઈમરજન્સી જાહેર કરવામાં આવી છે.