યુરોપમાં બત્તીગુલ: ફ્રાંસ, સ્પેન સહિતના દેશોમાં પ્લેન, મેટ્રો અને મોબાઈલ નેટવર્ક ઠપ
April 28, 2025

યુરોપના અનેક દેશોમાં અચાનક ભીષણ વીજ સંકટ પેદા થયું છે. સ્પેન, પોર્ટુગલ, ફ્રાન્સમાં અચાનક વીજળી ગુલ થઈ છે. જેના લીધે હવાઈ સેવાઓથી માંડી મેટ્રો સુધીનું સંચાલન પ્રભાવિત થયું છે. ઘણા ફોનના નેટવર્ક પણ ડાઉન તથા બંધ થયા છે. મેડ્રિડથી માંડી લિસ્બન સુધીના વિસ્તારમાં અંધારૂ છવાઈ ગયું છે. આ ઈમરજન્સી પરિસ્થિતિનો ઉકેલ લાવવા આ દેશોએ પ્રોટોકોલ લાગુ કર્યા છે. આમ અચાનક વીજળી ગુલ થવાનું કારણ હજી જાણી શકાયુ નથી. પરંતુ સૂત્રો અનુસાર, સાયબર અટેક થયો હોવાની શક્યતા છે.
સ્પેનના નેશનલ ગ્રીડ ઓપરેટ રેડ એલેક્ટ્રિકાએ નિવેદન આપ્યું છે કે, આખા દેશમાં વીજ પુરવઠો ચાલુ કરવા માટે વીજ કંપનીઓ સાથે મળી અનેક પ્રયાસો કરી રહી છે. પોર્ટગુલના ગ્રીડ ઓપરેટર ઈ-રેડેસે જણાવ્યું કે, આ સંકટ યુરોપિયન પાવર ગ્રીડમાં આવેલી ખામીના કારણે આવ્યું છે. પ્રારંભિક તપાસમાં વોલ્ટેજમાં અસંતુલનના કારણે વીજ સંકટ પેદા થયું હોવાનું જાણવા મળ્યું છે.
સ્પેન, પોર્ટુગલના શહેરોમાં મેટ્રો, બસ, ટ્રેન સેવાઓ ખોરવાઈ છે. રસ્તાઓ પર અવ્યવસ્થા સર્જાઈ છે. હોસ્પિટલ પણ હાલ જનરેટરના આશરે ચાલી રહ્યું છે. સ્પેન અને પોર્ટુગલમાં ક્યાંક વીજ પુરવઠો નથી, જ્યારે ફ્રાન્સના ઘણા શહેરોમાં પણ અંધારપટ છવાયા છે. બપોરે 12.30 વાગ્યે વીજળી ગુલ થઈ હતી. જેના લીધે મેડ્રિડમાં ઓપન ટેનિસ ટુર્નામેન્ટ રદ કરવામાં આવી હતી. અંડરગ્રાઉન્ડ રેલ સિસ્ટમ ખોટવાઈ છે. ટ્રાફિક લાઈટ પર ચાલી રહી ન હોવાથી રસ્તાઓ જામ થયા છે. હજી ક્યાં સુધી વીજ સંકટ જારી રહેશે તેનો કોઈ અંદાજ સત્તાધીશો પાસે નથી. એરપોર્ટ પર પણ વિમાન સેવા બંધ થઈ છે.
સ્પેનિશ અધિકારીઓએ કહ્યું છે કે અત્યાર સુધી બ્લેકઆઉટનું કારણ જાણી શકાયુ નથી. આ એક સાયબર અટેક હોવાની શક્યતા નકારી શકાય નહીં. આની સંપૂર્ણ તપાસ કરવામાં આવી રહી છે. આ પહેલાં પણ, યુરોપમાં નાની ટેકનિકલ ખામીઓને કારણે મોટા પ્રમાણમાં બ્લેકઆઉટ થયા છે. 2003 માં, સ્વિટ્ઝર્લૅન્ડમાં એક ઝાડ વીજ લાઇન પર પડતાં આખું ઇટલી અંધકારમાં ડૂબી ગયું હતું. તેથી, આ વખતે પણ ટેકનિકલ સમસ્યા અથવા સાયબર અટેકની શક્યતાઓને ધ્યાનમાં રાખીને તપાસ હાથ ધરવામાં આવી રહી છે.
Related Articles
રશિયા અને યુક્રેન વચ્ચેનો સંઘર્ષ સમાપ્તિ તરફ? પુતિનના નિવેદન બાદ ઝેલેન્સ્કી પણ ખુશ
રશિયા અને યુક્રેન વચ્ચેનો સંઘર્ષ સમાપ્તિ...
May 11, 2025
મોટા વિનાશનું કારણ બન્યું હોત ભારત-પાક યુદ્ધ: સીઝફાયર બાદ ટ્રમ્પનું બીજું નિવેદન
મોટા વિનાશનું કારણ બન્યું હોત ભારત-પાક ય...
May 11, 2025
રશિયા-યુક્રેન વચ્ચે 30 દિવસનું યુદ્ધવિરામ... ચાર દેશોએ મુલાકાત કર્યા બાદ ઝેલેન્સ્કીની જાહેરાત
રશિયા-યુક્રેન વચ્ચે 30 દિવસનું યુદ્ધવિરા...
May 11, 2025
ભારત-પાકિસ્તાન વચ્ચે સંઘર્ષ વધતાં G7 દેશોનું મોટું નિવેદન, પહલગામ આતંકી હુમલાને પણ વખોડ્યું
ભારત-પાકિસ્તાન વચ્ચે સંઘર્ષ વધતાં G7 દેશ...
May 10, 2025
ડોનાલ્ડ ટ્રમ્પે 'સેલ્ફ ડિપોર્ટેશન પ્રોગ્રામ' લોન્ચ કર્યો, અમેરિકામાં ગેરકાયદે વસતાં લોકોને 'લાસ્ટ ચાન્સ'
ડોનાલ્ડ ટ્રમ્પે 'સેલ્ફ ડિપોર્ટેશન પ્રોગ્...
May 10, 2025
ભારત સાથે સંઘર્ષ વચ્ચે પાકિસ્તાનથી કુદરત પણ નારાજ, 4.0ની તીવ્રતાનો જોરદાર ભૂકંપ
ભારત સાથે સંઘર્ષ વચ્ચે પાકિસ્તાનથી કુદરત...
May 10, 2025
Trending NEWS

10 May, 2025