PTIના ચાર કાર્યકર્તાઓની પણ અટકાયત

ઈસ્લામાબાદઃ પાકિસ્તાનના પૂર્વ વડાપ્રધાન ઈમરાન ખાનના બહેન અલીમા ખાનની ધરપકડ કરવામાં આવી છે. આ ધરપકડ 27 સપ્ટેમ્બરે યોજાનાર પાકિસ્તાન તહરીક-એ-ઈન્સાફની 'લોંગ માર્ચ' પહેલા થઈ છે. રોયટર્સના અહેવાલ મુજબ, પોલીસે અલીમા ખાનની લાહોર સ્થિત તેમના નિવાસસ્થાનેથી ધરપકડ કરી હતી. અલીમા ખાન જેલમાં બંધ ઈમરાન ખાનના બહેન છે. ઈમરાન ખાન ઓગસ્ટ 2023થી જેલમાં છે. તેમની પાર્ટી PTI એ તેમની મુક્તિની માંગ સાથે 27 સપ્ટેમ્બરે વિરોધ પ્રદર્શનની જાહેરાત કરી છે. PTIના આ પ્રદર્શનની મુખ્ય માંગ ઈમરાન ખાનને તાત્કાલિક મુક્ત કરવાની છે. પોલીસે તેમના પર તોફાન મચાવવા, સરકારી કામમાં અવરોધ ઊભો કરવા અને પોલીસકર્મીઓ પર હુમલો કરવા જેવા આરોપો લગાવ્યા છે.

અલીમા ખાનની ધરપકડ પહેલા પોલીસે PTIના ચાર કાર્યકર્તાઓ અને સમર્થકોની પણ અટકાયત કરી હતી. આ અટકાયતો પાર્ટીના 27 સપ્ટેમ્બરે યોજાનારા પ્રસ્તાવિત પ્રદર્શન પહેલા કરવામાં આવી છે. આ પ્રદર્શનમાં ઈમરાન ખાનની તાત્કાલિક મુક્તિની માંગ મુખ્ય મુદ્દો છે. પીટીઆઈના પ્રસ્તાવિત દેશવ્યાપી પ્રદર્શનને ધ્યાનમાં રાખીને ઈસ્લામાબાદ પોલીસ અને રાજધાની તંત્રએ પણ તૈયારીઓ શરૂ કરી દીધી છે. સમાચાર પત્ર ડૉન (Dawn)ના અહેવાલ મુજબ, પોલીસ શહેરમાં આવવા-જવાના રસ્તાઓ અને સંવેદનશીલ વિસ્તારોની સુરક્ષા વ્યવસ્થાની સમીક્ષા કરી રહી છે.