પાકિસ્તાનના ખૈબર કફ્તૂનખ્વા વિસ્તારના કોહાટ જીલ્લામાં પ્રચંડ વિસ્ફોટની એક ઘટના સામે આવી છે. આ વિસ્ફોટમાં પાકિસ્તાનના પુર્વ મંત્રી અબ્બાસ ખાન આફરીદીનું મૃત્યુ થયુ છે. જણાવવામાં આવ્યું ચે કે આ વિસ્ફોટ અફરીદીના ઘરે ગેસ લીક થવાના કારણે થયો છે. જેમાં તે ગંભીર રીતે ઘાયલ થયા હતા. ત્યારબાદ અબ્બાસ ખાન આફરીદીનું શુક્રવારે મૃત્યુ નિપજ્યુ હતું. મળતી માહિતી પ્રમાણે આ ઘટના ગુરુવારે બની હતી. આ ઘટનામાં પાકિસ્તાનના પુર્વ સાંસદ અબ્ભાસ આફરીદીનું મૃત્યુ થયુ હતું. 

પોલીસ પાસેથી મળતી માહિતી અનુસાર ઘરમાં ગેસ લીક થવાને કારણે પ્રચંડ વિસ્ફોટ થયો હતો. જેમાં ઘરના એક ભાગમાં આગ લાગી હતી અને લોકો ખુબ ખરાબ રીતે ઘાયલ થઈ ગયા હતા. પરંતુ આ તમામ ઘાયલોને નજીકના હોસ્પિટલમાં પહોંચાડવામાં આવ્યા હતા. જ્યાં ડોક્ટરોએ તેમને બચાવવાની પુરી કોશિશ કરી હતી. પરંતુ અફરીદીની હાલત એટલી ખરાબ હતી કે ડોક્ટરોના અથાક પ્રયત્નો બાદ પણ તેમને બચાવી ન શકાયા. 

પોલીસે આ ઘટનાની તપાસ શરૂ કરી દીધી છે. શરૂઆતમાં તો આ ગેસ લીક થવાની ઘટના વર્તાઈ રહી છે. પરંતુ વિસ્ફોટના કારણો અને લાપરવાહી અઁગેની સંભાવનાઓની તપાસ કરવામાં આવી રહી છે. સ્થાનીક લોકો અને રાજનેતાઓ દ્વારા તેમને શ્રધ્ધાંજલી આપવામાં આવી છે. સરકાર તરફથી હજી સુધી આ ઘટના અંગે કોઈ નિવેદન જાહેર કરવામાં આવ્યું નથી.