અમેરિકાના રાષ્ટ્રપતિ ડોનાલ્ડ ટ્રમ્પના ટેરિફની વિશ્વભરના બજારો પર મોટી અસર પડી રહી છે. સોમવારે એશિયન શેરબજારમાં મોટો ઘટાડો જોવા મળ્યો. બજાર ખુલતાની સાથે જ જાપાનના નિક્કીમાં 225 પોઈન્ટનો ઘટાડો નોંધાયો. એક કલાક પછી, તે 7.1 ટકા ઘટીને 31,375.71 પર બંધ થયો હતો. દક્ષિણ કોરિયાનો કોસ્પી 5.5 ટકા ઘટીને 2,328.52 પર બંધ રહ્યો હતો

ઓસ્ટ્રેલિયાનો S&P/ASX 200 પણ 6.3 ટકા ઘટીને 7,184.70 પર બંધ રહ્યો હતો. હોંગકોંગ શેરબજારમાં પણ ભારે ઘટાડો જોવા મળ્યો. હોંગકોંગનો હેંગ સેંગ ઇન્ડેક્સ 9 ટકાથી વધુ ઘટ્યો. યુએસ નાસ્ડેક 6 ટકાના ઘટાડા સાથે બંધ થયો. એવો અંદાજ છે કે જો આ ઘટાડો ભારતીય શેરબજારમાં થયો હોત, તો સીધો 1400 પોઈન્ટનો ઘટાડો થયો હોત.

તો આ અંગે ડોનાલ્ડ ટ્રમ્પે કહ્યું હતું કે જો બાઇડેનના કાર્યકાળ દરમિયાન અન્ય દેશોએ અમેરિકા સાથે ખરાબ વર્તન કર્યું હતું. આ આપણા નબળા નેતૃત્વને કારણે થયું. તમને જણાવી દઈએ કે ટ્રમ્પની જાહેરાત બાદ શેરબજારમાં ભારે ઘટાડો જોવા મળ્યો હતો. અમેરિકન શેરબજારથી લઈને એશિયન શેરબજારો સુધી બધા જ ઘટ્યા હતા. બિટકોઇન જેવી ક્રિપ્ટોકરન્સીમાં પણ તીવ્ર ઘટાડો થયો. આનાથી રોકાણકારોમાં ડર પેદા થયો છે કે ટેરિફથી ફુગાવો વધશે અને અર્થતંત્ર મંદી તરફ આગળ વધી શકે છે.