મણિપુરમાં તાજેતરની વંશીય હિંસાને કારણે, 16 નવેમ્બરથી રાજ્યના કુલ 9 જિલ્લામાં ઈન્ટરનેટ સેવાઓ સ્થગિત કરવામાં આવી છે. સરકાર દ્વારા લાદવામાં આવેલા ઇન્ટરનેટ પરનો પ્રતિબંધ બે દિવસ વધારીને 3 ડિસેમ્બર સુધી કરવામાં આવ્યો હતો. મેઇતી સમુદાયની ત્રણ મહિલાઓ અને ત્રણ બાળકોના મૃતદેહ મળ્યા બાદ હિંસા ફાટી નીકળી હતી.

મણિપુર સરકારે રવિવારે 9 જિલ્લામાં મોબાઈલ ઈન્ટરનેટ પરનો પ્રતિબંધ 3 ડિસેમ્બર સુધી લંબાવ્યો છે. અગાઉ હિંસાની તાજેતરની ઘટનાઓને કારણે આ પ્રતિબંધ 1 ડિસેમ્બર સુધી હતો. ગૃહ વિભાગ દ્વારા જારી કરવામાં આવેલા આદેશમાં, મોબાઇલ ઇન્ટરનેટ પરનો પ્રતિબંધ 3 ડિસેમ્બર સુધી વધુ બે દિવસ માટે લંબાવવામાં આવ્યો હતો.

ગૃહ વિભાગ દ્વારા જારી કરવામાં આવેલા આદેશમાં કહેવામાં આવ્યું છે કે, ઈમ્ફાલ પશ્ચિમ, ઈમ્ફાલ ઈસ્ટ, કાકચિંગ, બિષ્ણુપુર, થોબલ, ચુરાચંદપુર, કાંગપોકપી, ફેરજાવલ અને જીરીબામમાં ઈન્ટરનેટ પર પ્રતિબંધ લંબાવવામાં આવ્યો છે. તાજેતરની હિંસાને કારણે આ જિલ્લાઓમાં 16 નવેમ્બરથી ઈન્ટરનેટ સેવાઓ બંધ કરી દેવામાં આવી છે.