પ્રધાનમંત્રી નરેન્દ્ર મોદીએ શનિવારે વારાણસીથી ચાર નવી વંદે ભારત એક્સપ્રેસ ટ્રેનોનું ઉદ્ઘાટન કર્યું છે. તેમણે કહ્યું, "વિશ્વભરના વિકસિત દેશોમાં માળખાગત સુવિધાઓ આર્થિક વિકાસનો મુખ્ય ચાલક રહ્યો છે. જે દેશોમાં નોંધપાત્ર પ્રગતિ અને વિકાસ થયો છે, ત્યાંના માળખાગત સુવિધાઓનો વિકાસ તેમની પ્રગતિ પાછળ એક મહત્વપૂર્ણ પરિબળ રહ્યો છે. આજે, ભારત પણ આ માર્ગ પર ઝડપથી આગળ વધી રહ્યું છે. આ જ રીતે, દેશના વિવિધ ભાગોમાં નવી વંદે ભારત ટ્રેનો શરૂ કરવામાં આવી રહી છે.

પ્રધાનમંત્રી મોદીએ કહ્યું, મોટાભાગના દેશોના વિકાસમાં માળખાગત સુવિધાઓએ મહત્વપૂર્ણ ભૂમિકા ભજવી છે. શહેરને સારી કનેક્ટિવિટી મળતાંની સાથે જ તેનો વિકાસ આપમેળે ઝડપથી શરૂ થાય છે. માળખાગત સુવિધાઓ ફક્ત મોટા પુલ અને હાઇવે સુધી મર્યાદિત નથી." પીએમ મોદીએ જણાવ્યું હતું કે કાશી-ખજુરાહો વંદે ભારત ઉપરાંત, ફિરોઝપુર-દિલ્હી વંદે ભારત, લખનૌ-સહારનપુર વંદે ભારત અને એર્નાકુલમ-બેંગલુરુ વંદે ભારતને લીલી ઝંડી આપવામાં આવી છે. આ ચાર નવી વંદે ભારત ટ્રેનો સાથે, દેશમાં હવે 160 થી વધુ નવી વંદે ભારત ટ્રેનો કાર્યરત છે.