બાંગ્લાદેશની સામાન્ય ચૂંટણીના પરિણામો જાહેર થયા બાદ સ્પષ્ટ થયું કે બાંગ્લાદેશ નેશનાલિસ્ટ પાર્ટી (BNP) એ કુલ 299 બેઠકોમાંથી 211 બેઠકો જીતીને પૂર્ણ બહુમતી મેળવી છે. આ સાથે BNP સરકાર બનાવવા માટે સંપૂર્ણ રીતે તૈયાર છે. બીજી તરફ, તેનો મુખ્ય હરીફ જમાત-એ-ઈસ્લામી આ ચૂંટણીમાં માત્ર 68 બેઠકો સુધી સીમિત રહ્યો.

આ ચૂંટણીની સૌથી નોંધપાત્ર વાત એ રહી કે BNPની ટિકિટ પર ત્રણ હિન્દુ ઉમેદવારો સાંસદ તરીકે ચૂંટાયા. આ જીત માત્ર રાજકીય સફળતા નથી, પરંતુ બાંગ્લાદેશમાં લઘુમતી સમુદાય માટે વિશ્વાસ અને સ્વીકારનો સંકેત પણ છે. હિન્દુ ઉમેદવારોમાં સૌથી અગ્રણી નામ ગયેશ્વર ચંદ્રા રોયનું છે. તેઓ ઢાકા-3 સંસદીય મતવિસ્તારમાંથી જીત્યા છે.

જમાત-એ-ઇસ્લામીના ઉમેદવાર મોહમદ શાહીનુર ઈસ્લામને પરાજય આપ્યો. ગાયેશ્વર ચંદ્ર રોયને કુલ 99,163 મત મળ્યા હતા અને તેમણે પોતાના નજીકના હરીફને 15,899 મતોના માર્જિનથી હરાવ્યા. તેઓ BNPની સ્થાયી સમિતિના સભ્ય છે અને અગાઉ રાજ્યમંત્રી તરીકે પણ સેવા આપી ચૂક્યા છે. તેમની જીતે દર્શાવ્યું છે કે અનુભવ અને વિશ્વસનીયતા જનતામાં મહત્વ ધરાવે છે.