રાજધાની દિલ્હીના બુરાડી વિસ્તારમાં કૌશિક એન્ક્લેવ ઓસ્કર સ્કૂલ પાસે નિર્માણાધીન 5 માળની ઈમારત અચાનક ધરાશાયી થઈ ગઈ. આ ઘટનામાં 8 વર્ષની બાળકી સહિત ત્રણ લોકોના મોત થયા છે. જ્યારે 12 લોકો ઘાયલ થયા હતા. હજુ પણ આઠ લોકો કાટમાળ નીચે દટાયા હોવાની આશંકા છે.

મળતી માહિતી મુજબ છેલ્લા એક વર્ષથી આ ઈમારતનું બાંધકામ ચાલી રહ્યું હતું. બિલ્ડિંગમાં હજી ફિનિશિંગનું કામ ચાલી રહ્યું હતું, જે કામદારો અહીં કામ કરે છે અને નજીકમાં પણ કામ કરે છે. તે આ બિલ્ડીંગ પાસેના ખાલી વિસ્તારમાં ભાડાના રૂમમાં રહેતા હતા. જ્યારે ઈમારત સંપૂર્ણપણે ધરાશાયી થઈ ગઈ હતી, ત્યારે બધો કાટમાળ તે ઓરડાઓ પર પડ્યો હતો.

કહેવામાં આવી રહ્યું છે કે જ્યારે ઈમારત પડી ત્યારે અહીં લગભગ 20થી 22 લોકો રહેતા હતા, જેઓ આ ઈમારતના કાટમાળ નીચે દટાઈ ગયા હતા. આસપાસના લોકો ઘટનાસ્થળે પહોંચી ગયા હતા અને લગભગ 12 લોકોને બચાવવાનો પ્રયાસ કર્યો હતો.