રશિયા અને યુક્રેન વચ્ચેના યુદ્દમાં સ્થિતિ વધુ ગંભીર બની છે. તેમ ઇઝરાયેલ અને ઇરાન વચ્ચેનું યુદ્ધ વધુ ભયંકર બન્યું છે. આજે પાંચમાં દિવસે પણ બંને દેશો વચ્ચે મિસાઈલ અને ડ્રોન હુમલા ચાલુ છે. 13 જૂનના રોજ ઇઝરાયેલ દ્વારા ઇરાનના પરમાણુ અને લશ્કરી થાણાઓ પર વિસ્ફોટક હુમલા કરવામાં આવ્યા. ઇઝરાયેલના આ હુમલામાં ઇરાની લશ્કરી કમાન્ડરો અને પરમાણુ વૈજ્ઞાનિકો માર્યા જતા મોટું નુકસાન થયું. જેના બાદ ઇરાને પણ વળતો જવાબ આપતા સેંકડો મિસાઇલો અને ડ્રોન છોડી ઇઝરાયલ પર હુમલા કર્યા.

ઇરાન અને ઇઝરાયલ  વચ્ચેનું યુદ્ધ અત્યારે વધુ ભયંકર બન્યું છે. બંને દેશો મિસાઇલો અને ડ્રોન હુમલા સમગ્ર વિશ્વમાં ખળભળાટ મચી ગયો છે. દરમિયાન ડોનાલ્ડ ટ્રમ્પ દ્વારા તેમના નાગરિકોને તેહરાન ખાલી કરવાની ચેતવણી આપતા આ યુદ્ધ આગામી સમયમાં વધુ ભયંકર બને તેવી આશંકા સેવાઈ રહી છે. અને હવે ટ્રમ્પ બાદ ચીન દ્વારા પણ પોતાના નાગરિકોને તાત્કાલિક ઇઝરાયેલ છોડવાની ચેતવણી આપતા ઇરાન- ઇઝરાયલ યુદ્ધમાં કંઈક મોટું અને ભયાનક થવાના સંકેત દેખાય છે.