દેશની સૌથી મોટી અને ધનિક નગરપાલિકા BMCની ચૂંટણીમાં ભાજપ સૌથી મોટો પક્ષ બનીને ઉભર્યો છે અને મહાયુતિ ગઠબંધને બહુમતીનો આંકડો પણ પાર કરી લીધો છે. તેમ છતાં, મુંબઈના મેયર પદની રેસમાં હવે એક મોટો ટ્વિસ્ટ આવ્યો છે. ઉદ્ધવ ઠાકરે જૂથની શિવસેના (UBT) એ દાવો કર્યો છે કે વિપક્ષ બહુમતીથી માત્ર 6 બેઠકો જ દૂર છે અને મુંબઈના રાજકારણમાં ગમે ત્યારે 'ખેલ' થઈ શકે છે.

શિવસેના (UBT)ના સાંસદ સંજય રાઉતે આ દાવા સાથે રાજકીય ગરમાવો વધારી દીધો છે. તેમના કહેવા મુજબ, વિપક્ષ પાસે હાલમાં 108 બેઠકો છે અને મેયર બનાવવા માટે જરૂરી 114ના આંકડા સુધી પહોંચવા માટે માત્ર 6 કોર્પોરેટરોના સમર્થનની જરૂર છે. સંજય રાઉતે કહ્યું, "અમારી પાસે અત્યારે 108 બેઠકો છે. લક્ષ્ય 114નું છે. અમે માત્ર 6 બેઠકોથી પાછળ છીએ. મુંબઈના રાજકારણમાં કંઈ પણ થઈ શકે છે."

શું છે BMCમાં સત્તાનું ગણિત?
227 બેઠકોવાળી BMCમાં મેયર બનાવવા માટે 114 કોર્પોરેટરોના સમર્થનની જરૂર છે. ચૂંટણી પરિણામો અનુસાર:
મહાયુતિ ગઠબંધન: ભાજપ (89 બેઠકો) અને એકનાથ શિંદેની શિવસેના (29 બેઠકો) મળીને કુલ 118 બેઠકો ધરાવે છે, જે બહુમતીના આંકડા કરતાં 4 વધુ છે.