અમેરિકાના ઉપરાષ્ટ્રપતિ જેડી વાન્સે રવિવારે ઈરાન પર અમેરિકા દ્વારા કરવામાં આવેલા હુમલાને લઈને સ્પષ્ટતા કરી છે. તેમને કહ્યું કે અમેરિકા ઈરાનની સાથે યુદ્ધ કરી રહ્યું નથી પણ તેનું લક્ષ્ય ઈરાનના પરમાણુ કાર્યક્રમને ખત્મ કરવાનું છે. તેમને કહ્યું કે રાષ્ટ્રપતિ ડોનાલ્ડ ટ્રમ્પ દ્વારા આપવામાં આવેલા આદેશ પર અમેરિકાએ જે હુમલો કર્યો છે, તેનાથી ઈરાનના પરમાણ કાર્યક્રમને ઘણા વર્ષો પાછળ ધકેલી દીધો છે.

જેડી વાન્સે કહ્યું કે અમે ઈરાનની વિરૂદ્ધ યુદ્ધ કરી રહ્યા નથી. અમે ઈરાનના પરમાણુ કાર્યક્રમની વિરૂદ્ધ લડાઈ લડી રહ્યા છે. ઈરાનને હવે પરમાણુ હથિયાર વિકસિત કરવામાં ખુબ લાંબો સમય લાગી શકે છે. અમે ઈરાનમાં સત્તા પરિવર્તન ઈચ્છતા નથી. અમારૂ લક્ષ્ય માત્ર પરમાણુ કાર્યક્રમને ખત્મ કરવાનું છે. અમે ઈચ્છીએ છે કે આના પછી ઈરાન સાથે લાંબા ગાળાના સમાધાન પર વાત થાય. તેમને સ્પષ્ટ કર્યુ કે અમેરિકાનો જમીન પર સૈનિક મોકલવાનો કોઈ વિચાર નથી.