આજે ભારત અને ડિફેન્ડિંગ ચેમ્પિયન શ્રીલંકા વચ્ચે એશિયા કપ 2023ની ફાઈનલ મેચ કોલંબોના આર. પ્રેમાદાસા સ્ટેડિયમમાં રમાઈ હતી. મેચમાં શ્રીલંકાની ટીમ ટોસ જીતીને પ્રથમ બેટિંગ કરતા 15.2 ઓવરમાં 50 રન જ બનાવીને ઓલઆઉટ થઈ હતી,જેના જવાબમાં ભારતીય ટીમે 51 રનનો ટાર્ગેટ 6.1 હાંસલ કર્યો હતો. આ સાથે જ ભારતની ટીમ 8મી વખત એશિયા કપમાં ચેમ્પિયન બની છે.

શ્રીલંકાએ બાંગ્લાદેશનો લોએસ્ટ સ્કોરનો રેકોર્ડ તોડ્યો 

એશિયા કપ 2023ના ફાઈનલમાં શ્રીલંકાએ બાંગ્લાદેશનો લોએસ્ટ સ્કોરનો રેકોર્ડ તોડ્યો છે. બાંગ્લાદેશનો ભારત સામે વન-ડેમાં સૌથી ઓછો સ્કોર 58 રન હતો. વન-ડેમાં સૌથી ઓછો ઓવરઓલ સ્કોરનો રેકોર્ડ ઝિમ્બાબ્વેના નામે છે. ઝિમ્બાબ્વેની ટીમ શ્રીલંકા સામે 2004માં 35 રનમાં ઓલઆઉટ થઇ ગઈ હતી.