એશિયન ગેમ્સ 2023ના 11માં દિવસે સોનેરી સવાર બાદ ભારતના ખાતામાં બીજા બ૨ મેડલ આવ્યા છે. ભારત પાસે અત્યાર સુધી કુલ 73 મેડલ છે, જેમાં 16 ગોલ્ડ મેડલ, 26 સિલ્વર મેડલ અને 31 બ્રોન્ઝ મેડલ સામેલ છે. ભારતને અન્ય બે બ્રોન્ઝ મેડલ સ્ક્વોશ મિક્સ ડબલ્સ અને બોક્સિંગમાં મળ્યા છે. ભારતને સ્ક્વોશ મિક્સ ડબલ્સમાં મલેશિયા સામે હારનો સામનો કરવો પડ્યો હતો. અનહત અને અભયની જોડીને બ્રોન્ઝ મેડલથી સંતોષ કરવો પડ્યો હતો. મલેશિયાએ આ ભારતીય જોડીને 11-8, 2-11 અને 9-11થી હરાવી હતી. ત્યારબાદ ભારતીય બોક્સર પરવીન હુડ્ડાએ સેમિફાઈનલમાં બ્રોન્ઝ મેડલ જીત્યો હતો. મહિલાઓની 57 કિગ્રા વેઇટ કેટેગરીમાં પરવીનને ચાઈનીઝ તાઈપેની લિન સામે હારનો સામનો કરવો પડ્યો હતો.