જમીનના બદલામાં નોકરીઓ સંબંધિત મની લોન્ડરિંગ કેસમાં બિહારના ભૂતપૂર્વ મુખ્યમંત્રી લાલુ યાદવ અને તેમના પરિવારની મુશ્કેલીઓ ફરી એકવાર વધી છે. એન્ફોર્સમેન્ટ ડિરેક્ટોરેટ (ED) એ બિહારના લાલુ પ્રસાદ યાદવ અને તેમના પરિવારના કેટલાક સભ્યોને સમન્સ પાઠવી મંગળવારે પૂછપરછ માટે બોલાવ્યા છે.

લાલુ યાદવને કાલે પટના સ્થિત ઝોનલ ઓફિસમાં પૂછપરછ માટે બોલાવવામાં આવ્યા છે. આ કેસ કથિત જમીનને બદલે-નોકરી કૌભાંડ સાથે જોડાયેલો છે, જેમાં મની લોન્ડરિંગના આરોપો છે. આવી સ્થિતિમાં હવે જોવાનું એ રહેશે કે EDના સમન્સ પર લાલુ યાદવ હાજર થશે કે નહી. તાજેતરમાં જ તેમના પુત્ર તેજ પ્રતાપ અને પુત્રીને કોર્ટમાંથી જામીન મળ્યા છે. તે દરમિયાન કોર્ટે લાલુને હાજર ન રહેવા બદલ મુક્તિ આપી હતી.